Poet of the Month
Bashir Badar
kabi yuuN be aa meri aaNkh meIN k meri nazar ko Khabar na ho
mujhe ek raat navaaz de magar us ke baad sahar na ho
vo baraa rahim-o-karim hai mujhe ye sifat be ataa kare
tujhe bhul nay ki dua karuuN to dua meiN meri asar na ho
mere baazuoN meiN thaki thaki abi mahav-e-Khvaab hai chaNdni
na uThe sitaaroN ki paalaki abi aahaToN kaa guzar na ho
vo firaaq ho yaa visaal ho, terii yaad mahakegii ek diN
vo gulab ban ke khilegaa kya jo chiraaG ban ke jalaa na ho
kabi dhuup de kabi badliyaa’N,dil-o-jaa’N se dono qubuul haiN
magar us nagar meiN na qaid kar jahaN zindgi ki havaa na ho
kabi din ki dhuup meIN jhuum k kabi shab k phuul ko chuum ke
yuuN hi saath saath chaleiN sadaa kabi Khatm apnaa safar na ho
mere paas mere habib aa zaraa aur dil ke qariib aa
tujhe dharkano meiN basa luuN maiN k bicharne ka kabi Dar na ho
Re: Poet of the Month... Bashir Badar
loved it ......
TLK
3
Re: Poet of the Month... Bashir Badar
Ahaa, bashir badar, my favorite...the only one of his I remember by heart
*Sar se chaadar, badan se qaba le ga'yee
zindagee hum faqeeron se kya le ga'yee
meri muth'thee main sookhay hu'ai phool hain* *
khushboo'on ko uRaa ke hawaa le ga'yee
main samandar ke seenay main thaa eik chataaN* *
raat mouj ek aa'yee, bahaa le ga'yee
meri shou'rat siyasat se mehfooz hai* *
ye tawaa'ef bhee asmat bachaa le ga'yee
Raat mujh ko jagaa ke kahaa chaand ne* *
eik laRkee tumhara pataa le ga'yee*
Re: Poet of the Month... Bashir Badar
*bhool shayed bohat bari kar le *
*hum ne duniya say dosti kar le*
*tum muhabbat ko khel kehtay ho*
*hum ne barbaad zindagi kar le*
*sab ki nazrein bacha kay dekh liya*
*ankhoon ankhoon mein baat b kar le*
*aashiqi mein bohat zaroori hay *
*bewafae kabhi kabhi kar le*
** hum nahi jantay charaghoon ney**
** kyoon andheron say dosti kar le**
**** dharkanay dafan ho gae hon gi ****
*dill mein diwaar kyoon khari kar le*
Re: Poet of the Month... Bashir Badar
kahiN chaNd raahoN meiN kho gayaa kahiN chaNdni be bhaTak ga'ee
maiN charaaG vo bhi bujhaa huaa merii raat kaise chamak ga'ee
meri dastaa'N ka uruuj thaa teri narm palkoN ki chaa'ooN meiN
mere saath thaa tujhe jaagnaa teri aaNkh kaise jhapak ga'ee
kabhi ham mile to bhi kyaa miley vahi duuriyaa'N vahi faasaley
na kabi hamaare qadam barhey na kabi tumhaari jhijhak ga'ee
tujhe bhuul jaane ki koshisheiN kabi qaam'yaab na ho sakiN
teri yaad shaaKh-e-gulaab hai jo havaa chali to lachak ga'ee
Re: Poet of the Month... Bashir Badar
kahiN chaNd raahoN meiN kho gayaa kahiN chaNdni be bhaTak ga'ee
maiN charaaG vo bhi bujhaa huaa merii raat kaise chamak ga'ee
meri dastaa'N ka uruuj thaa teri narm palkoN ki chaa'ooN meiN
mere saath thaa tujhe jaagnaa teri aaNkh kaise jhapak ga'ee
kabhi ham mile to bhi kyaa miley vahi duuriyaa'N vahi faasaley
na kabi hamaare qadam barhey na kabi tumhaari jhijhak ga'ee
tujhe bhuul jaane ki koshisheiN kabi qaam'yaab na ho sakiN
teri yaad shaaKh-e-gulaab hai jo havaa chali to lachak ga'ee
Re: Poet of the Month… Bashir Badar
Shab-e-Hijar … Great selection of Poet … :k:
Bashir Badar ki yeh ghazal mujhe bahut pasand hai …
*Is dil ne tere baad muhabbat bhi nahe ki
Hadd yeh ke dharaknay ki jassarat bhi nahe ki
Tabeer ka aizaaz huwa hai ussay haasil
Jis ne mere khuwaboon mein shiraakat bhi nahe ki
Ulfat tau bari baat hai hum se tau sar-e-shehar
Logoon ne kabhi dhang se nafrat bhi nahe ki
Adaab-e-safar ab woh sikhatay hain jinhon ne
Do chaar qadam tay yeh musaafat bhi nahe ki
Kya apni safae mein bayaan detay ke hum ne
Na-karda gunahoon ki wazaahat bhi nahe ki
Khaamosh tamaashai ki maanind sar-e-bazm
Sau zakhm sahay dil pe shikaayat bhi nahe ki
Is ghar ke sabhi log mujhe chornay aaye
Dehleez tallak us ne yeh zehmat bhi nahe ki
Us ne bhi ghulamoon ki saffoon mein humein rakha
Is dil pe kabhi jis ne hakumat bhi nahe ki …
*
udaas
8
Re: Poet of the Month... Bashir Badar
**Mujh se bichhad ke Khush rehte ho
meri tarah tum bhi jhute ho **
**ik tehni par chaand tika tha
main ye samjha tum baithe ho **
**ujle ujle phool khile the
bilkul jaise tum hanste ho **
**mujh ko shaam bataa deti hai
tum kaise kapde pehne ho **
tum tanhaa duniya se laro ge
bachon si baaten karte ho
Re: Poet of the Month... Bashir Badar
*Socha nahe acha bura dekha suna kuch bhi nahe
Maanga Khuda se raat din tere siwa kuch bhi nahe
Socha tujhe, dekha tujhe, chaaha tujhe, pooja tujhe
Meri khata, meri wafa, teri khata, kuch bhi nahe
Jis per hamari aankh ne moti bichaaye raat bhar
Bheja wohi kagaz ussay hum ne likha kuch bhi nahe
Ek shaam ki dehleez per bethay rahe woh dair tak
Aankhoon se keen baatain magar munh se kaha kuch bhi nahe
Do chaar din ki baat hai dil khaak mein so jayega
Jab aag per kaagaz rakha baaqi bacha kuch bhi nahe ...*
Re: Poet of the Month... Bashir Badar
*Rait bhari hai in aankhoon mein aansoo se tum dho laina
Koi sookha pairr milay tau us se lippat kar ro laina
Us ke baad bahut tanha ho jaise jungle ka raasta
Jo bhi tum se pyar se bolay saath ussi ke ho laina
Kuch tau rait ki pyaas bhujaao janam janam ki pyaasi hai
Saahil per chalnay se pehlay apne paaun bhigo laina
Mein ne dariya se seekhi hai paani ki parda-daari
Uper uper hanstay rehna gehraai mein ro laina
Rotay kyun ho dil waalon ki qismat aisi hoti hai
Saari raat yun hi jaagoge din niklay tau so laina ...*
UZ
11
Re: Poet of the Month… Bashir Badar
Very nice :k:
UZ
12
Re: Poet of the Month... Bashir Badar
**Khuda ham ko aisi khudaii naa dey
ke apnay siwa khuch dikhai na day
khatawaar samjhay gi dunya tujhey
ab itni ziada safaii naa day
hanso aaj itna ke is hsor mein
saada siskiyoon ki sunaii naa day
Ghulami ki barkat samjhnay lageen
aseeron ko aisi rehaii naa dey
Khuda aisay ahsaas kaa naam hia
rahey saamnay aur dikhaii naa dey**
Re: Poet of the Month… Bashir Badar
Beautiful … :k:
IS
14
Re: Poet of the Month… Bashir Badar
Restored attachments:
Re: Poet of the Month... Bashir Badar
Helo Inno paye kasay hain? .. thanks for sharing such a beautiful piece :)
UZ
16
Re: Poet of the Month… Bashir Badar
Thanks Inno bhaii :k:
IS
17
Re: Poet of the Month… Bashir Badar
shaboo behna
mai theak thaak ALLAH ka sukar hay aap kesi hain
Always welcome
Always welcome UZ Appi 
IS
18
Re: Poet of the Month… Bashir Badar
Dania
20
Re: Poet of the Month... Bashir Badar
Aas hogi na aasara hogaa
Aane vaale dinon men kyaa hoga
main tujhe bhuul jaaungaa ik din
vaqt sab kuchh badal chukaa hoga
naam ham ne likhaa thaa aankhon men
aansuuon ne miTaa diyaa hogaa
aasamaaN bhar gayaa parindon se
peD koi haraa giraa hogaa
kitanaa dushvaar thaa safar us ka
vo sar-e-shaam so gayaa hogaa
