Poet of the Month Bashir Badar

Arts & Culture Poetry ( Intikhaab & Sho'ra-e-Gupshup)
1

**Khush rahe yaa bahut udaas rahe
zindagii tere aas paas rahe **

**chaaNd in badaliyon se nikalegaa
ko_ii aayegaa dil ko aas rahe **

ham muhabbat ke phuul hain shaayad
ko_ii kaaNTaa bhii aas paas rahe

mere siine mein is tarah bas jaa
merii saanson mein terii baas rahe

**aaj ham sab ke saath Khuub haNse
aur phir der tak udaas rahe **

2

Re: ~~~~Bashir Badr~~~~

aaj ham sab ke saath Khuub haNse
*aur phir der tak udaas rahe *

<!-- / message -->Ki abat hy; Buhat hi khub hy!

3

Re: Poet of the Month Bashir Badar

kahiN chaNd raahoN meiN kho gayaa kahiN chaNdni be bhaTak ga'ee maiN charaaG vo bhi bujhaa huaa merii raat kaise chamak ga'ee meri dastaa'N ka uruuj thaa teri narm palkoN ki chaa'ooN meiN mere saath thaa tujhe jaagnaa teri aaNkh kaise jhapak ga'ee kabhi ham mile to bhi kyaa miley vahi duuriyaa'N vahi faasaley na kabi hamaare qadam barhey na kabi tumhaari jhijhak ga'ee tujhe bhuul jaane ki koshisheiN kabi qaam'yaab na ho sakiN teri yaad shaaKh-e-gulaab hai jo havaa chali to lachak ga'ee
4

Re: Poet of the Month Bashir Badar


kabi yuuN be aa meri aaNkh meIN k meri nazar ko Khabar na ho
mujhe ek raat navaaz de magar us ke baad sahar na ho

vo baraa rahim-o-karim hai mujhe ye sifat be ataa kare
tujhe bhul nay ki dua karuuN to dua meiN meri asar na ho

mere baazuoN meiN thaki thaki abi mahav-e-Khvaab hai chaNdni
na uThe sitaaroN ki paalaki abi aahaToN kaa guzar na ho

vo firaaq ho yaa visaal ho, terii yaad mahakegii ek diN
vo gulab ban ke khilegaa kya jo chiraaG ban ke jalaa na ho

kabi dhuup de kabi badliyaa'N,dil-o-jaa'N se dono qubuul haiN
magar us nagar meiN na qaid kar jahaN zindgi ki havaa na ho

kabi din ki dhuup meIN jhuum k kabi shab k phuul ko chuum ke
yuuN hi saath saath chaleiN sadaa kabi Khatm apnaa safar na ho
mere paas mere habib aa zaraa aur dil ke qariib aa
tujhe dharkano meiN basa luuN maiN k bicharne ka kabi Dar na ho

5

Re: Poet of the Month Bashir Badar

***abi is taraf na nigaah kar maiN Gazal ke palkeiN saNvar luuN*** ***meraa lafz lafz ho aa'inaa tujhe aai'ney meiN utaar luuN*** ***maiN tamaam din kaa thaka hua tu tamaam shab kaa jagaa hua*** ***zaraa Thahar jaa isi more par tere saath shaam guzaar luuN *** ***agar aasmaa'N ki numaa'ishoN meiN mujhe bhi izn-e-qayaam ho*** ***to maiN motiyooN ki dukaan se terii baali'yaa tere haar luuN *** ****** ***ka'ee ajanbi teri raah k mere paas se yuuN guzar gaye *** ***jinheiN dekh kar ye tarap hui teraa naam leke pukaar luuN ***
6

Re: Poet of the Month Bashir Badar

gud work....!!!!!

7

Re: Poet of the Month Bashir Badar

kabi yuuN be aa meri aaNkh meIN k meri nazar ko Khabar na ho mujhe ek raat navaaz de magar us ke baad sahar na ho

vo baraa rahim-o-karim hai mujhe ye sifat be ataa kare
tujhe bhul nay ki dua karuuN to dua meiN meri asar na ho

mere baazuoN meiN thaki thaki abi mahav-e-Khvaab hai chaNdni
na uThe sitaaroN ki paalaki abi aahaToN kaa guzar na ho

vo firaaq ho yaa visaal ho, terii yaad mahakegii ek diN
vo gulab ban ke khilegaa kya jo chiraaG ban ke jalaa na ho

kabi dhuup de kabi badliyaa’N,dil-o-jaa’N se dono qubuul haiN
magar us nagar meiN na qaid kar jahaN zindgi ki havaa na ho

kabi din ki dhuup meIN jhuum k kabi shab k phuul ko chuum ke
yuuN hi saath saath chaleiN sadaa kabi Khatm apnaa safar na ho
mere paas mere habib aa zaraa aur dil ke qariib aa
tujhe dharkano meiN basa luuN maiN k bicharne ka kabi Dar na ho

http://www.paklinks.com/gs/images/statusicon/user_offline.gif

http://www.paklinks.com/gs/images/buttons/report.gif


very nice…

Samima Sams - Facebook Group - Pakistani Brides
8

Re: Poet of the Month Bashir Badar

ek cheharaa saath saath rahaa jo milaa nahiin
kisako talaash karate rahe kuchh pataa nahiin

shiddat kii dhuup tez havaaon ke baavajuud
main shaaKh se giraa huuN nazar se giraa nahiin

aaKhir Gazal kaa taajamahal bhii hai makabaraa
ham zindagii the hamako kisii ne jiyaa nahiin

jisakii mukhaalafat hu_ii mashahuur ho gayaa
in pattharon se ko_ii parindaa giraa nahiin

taariikiyon mein aur chamakatii hai dil kii dhuup
suuraj tamaam raat yahaan Duubataa nahiin

kisane jalaa_ii bastiyaaN baazaar kyon luTe
main chaNd par gayaa thaa mujhe kuchh pataa nahiin

9

Re: Poet of the Month Bashir Badar

Nice.. :k:

10

Re: Poet of the Month Bashir Badar

Socha nahin acha bura, daikha suna kuch bhi nahin
manga Khuda se raat din, taire siwa kuch bhi nahin

Socha tujhay daikha tujhay chaha tujhay poja tujhay
mairi khata mairi wafa, tairi khata kuch bhi nahinn

jis perr hamari aankh ne moti bichaye raat bharr....
bhaija wohi kaghaz usse hum ne likha kuch bhi nahin

aik shaam ke saaye talay, baithay rahay wohh dairr tak
ankhon se kahin batain buhat, munh se kaha kuch b nahi

ehsaas kii khushboo kahan, aawaz ke jugnoo kahan...
khamosh yaadon k siwa ghar mein raha kuch bhi nahin

do chaar din kii baat hai dil khaak mein so jaye gaa
jab aag pe kaghaz rakha, baaqi bacha kuch bhi nahin

11

Re: Poet of the Month Bashir Badar

aisaa lagataa hai zindagii tum ho
ajanabii jaise ajanabii tum ho

ab ko_ii aarazuu nahiin baakii
justajuu merii aaKhirii tum ho

main zamiin par ghanaa aNdheraa huuN
aasamaanon kii chaaNdanii tum ho

doston se vafaa kii ummiidein
kis zamaane ke aadamii tum ho

12

Re: Poet of the Month Bashir Badar

:k: :slight_smile: :slight_smile: boht khob

13

Re: Poet of the Month Bashir Badar

Ujalay Apni yadoo k hamaray sath rehnay do **
**na janay kiss gali mai zindgi ke shaam ho jaiay

14

Re: Poet of the Month Bashir Badar

Nahi woh be-hijaab chaNd sa keh nazar ka koi asar na ho
Usay itni garmi-e-shauq say baRi der tak taka na karaiN

15

Re: Poet of the Month Bashir Badar

seeyaa'hiyoN ke bane harf harf dhote haiN
ye log raat meiN kaaGaz kahaaN bhigote haiN

kisi ki shah meiN dahaleez par diyaa na rakho
kivaar suukhii hui lakariyoN ke hote haiN

charaG paani meiN maujoN se puuchhate honge
vo kaun log haiN jo kashtiyaaN dubote haiN

qadiim qasboN meiN kyaa sukuun hotaa hai
thake thakaaye hamaare buzurg sote haiN

chamakti hai kahiN sadiyoN meiN aaNsuoN ki zamiN
gazal ke sher kahaaN roz roz hote haiN

16

Re: Poet of the Month Bashir Badar

vahi taaj hai vahi taKht hai vahi zahar hai vahi jaam hai ye vahi Khudaa ki zameeN hai ye vahi butoN ka nizaam hai bare shauq se meraa ghar jalaa koi aaNch na tujh pe aaye gi ye zubaaN kisi ne Khareed lii ye qalam kisi kaa Gulaam hai maiN ye maantaa huuN mere diye teri aaNdhiyoN ne bujhaa diye magar ik jugnuu havaaoN meiN abhi raushani kaa imaam hai
17

Re: Poet of the Month Bashir Badar

ye chandni bhi jin ko chotay hue darti hai

**ye chandni bhi jin ko chotay hue darti hai
dunya unhin phoolon ko pairon se masalti hai

shohrat ki bulandi bhi pal bhar ka tamasha hai
jis daal pe baithay ho woh toot bhi sakti hai

lobaan mein chingari jaisay koi rakh jaye
yun yaad teri shab bahr seenay me sulagti hai

aa jata hai khud khinch kar dil seenay se patri per
jab raat ki sarhad se aik rail guzarti hai

aansoo kabhi palkon per tadair nahin ruktay
ud jatay hain ye panchi jab shakh lachakti hai

khush rang parindon ke laut aanay ke din aaye
bichday hue miltay hain jab burf pighalti hai**

18

Re: Poet of the Month Bashir Badar

*Ujalay Apni yadoo k hamaray sath rehnay do *
**na janay kiss gali mai zindgi ke shaam ho jaiay
[QUOTE]

[/QUOTE]
**

very nice...IS
<!-- / message -->

19

Re: Poet of the Month Bashir Badar

ankho`N mien raha dil mein uter ker nahi dekha
kashtii k musafirr na samander nahi dekha

be-waQt agr jaoun ga sub choonk parien ge
ik umerr hoee din mein kabhii gharr nahi dekha

jis din se chala hoon merii manzil pe nazR haii
aankho`N ne kabhii meel ka pather nahi dekha

ye phool mujhe koii virasat mien milay hien
tum ne mera kaanto`N bhara bisterr nahi dekha

*pather mujhe kehta hai mera chahne wala
mae moom hoon us ne mujhe cho` ker nahi dekha
*

20

Re: Poet of the Month Bashir Badar