Re: Poet of The Month.. ADEEM HASHMI..
Bari Mushkil Thee Nai Raah, Guzar Se Pehle
Thak Gaye Log Kai Waqt-e-Safar Se Pehle
Waqt Guzra Teray Milnay Ka Bari Taizi Se
Kat Gaye Sham-o-Sahar, Sham-o-Sahar Se Pehle
Paat Jharnay Ka Koi Darr Na Kari Dhoop Ka Khauf
Teri Chhaon Se Ajab, Sir Pe Shajar Se Pehle
Husn-e-Takhleeq Kisi Husn Se Kuch Kam To Nahi
Phool Pero’n Pe Kabhi Dekh Samar Se Pehle
Sajda-e-Shukr Kisay Jakay Karay Jazba-e-Dil
Kis Ne Dekha Tha Muhabbat Ki Nazar Se Pehle
Kia Dafeenay Hain Muhabbat Ke Samander Main Adeem
Kashtiaan Doobti Jaati Hain Bhanwar Se Pehle