Re: Poet of The Month.. ADEEM HASHMI..
Faisla Ye To Karo Waqt-e-Safar Se Pehle
Aao Ge Shaam Se Pehle Ke Sahar Se Pehle
Husn Taqseem Kia Jaye Kidher Se Pehle
Her Taraf Se Ye Sadaa Ai Idher Se Pehle
Teray Qadmo’n Ke Nishaan Hain Meri Chahat Pe Faqat
Koi Guzra Na Tha Iss Raah’guzar Se Pehle
Mujh Pe Ilzaam-e-Wafa Theek Hai Per Ay Wajh-e-Wafa
Kis Ne Dekha Tha Muhabbat Ki Nazar Se Pehle
Husn Maujood To Tha Apne Sarapay Main Adeem
Husn Maloom Na Tha Husn-e-Nazar Se Pehle
Uss Ki Surat Bhi To Ek Subha Ki Surat Hai Adeem
Dekh Li Hum Ne Sahar Waqt-e-Sahar Se Pehle