Poet of Month " Nasir Kazmi "

Arts & Culture Poetry ( Intikhaab & Sho'ra-e-Gupshup)
1

phir saavan rut kii pavan chalii tum yaad aaye

phir saavan rut kii pavan chalii tum yaad aaye
phir patto.n kii paazeb bajii tum yaad aaye

phir ku.Nje.n bolii.n ghaas ke hare samandar me.n
rut aa_ii piile phuulo.n kii tum yaad aaye

phir kaagaa bolaa ghar ke suune aa.Ngan me.n
phir amrat ras kii buu.Nd pa.Dii tum yaad aaye

pahale to mai.n chiiKh ke royaa aur phir ha.Nsane lagaa
baadal garjaa bijalii chamakii tum yaad aaye

din bhar to mai.n duniyaa ke dhandho.n me.n khoyaa rahaa
jab diivaaro.n se dhuup Dhalii tum yaad aaye

NASIR KAZMI (1925-1975)

His poetry shows a depressed mood. His work addresses human longings, lost love and the struggle for survival. It is simple in form with complex and artistic ideas.<o =“”>

2

Re: Poet of Month " Nasir Kazmi "

:halo: hmmm nice contribution BB

3

Re: Poet of Month " Nasir Kazmi "

Pathar Bana Dia Mujahy Rone Nahi Diya
Damaan Bhi Tere Gham Ne Bighone Nahi Dia

Tanhaiyan Tumhara Pata Poochti Rahain
Shaab Bhar Tumhari yaad Ne Sone Nahi Dia

Ankhon Mein Akar Beth Gai Annsoon Ki Lehar
Palkon PeKoi Khoawab Perone Nahi Dia

Dil Ko Tumhare Naam Ke Ansoo Aziz Thay
duniya Ka Dard Dil Mein Samone Nahi Diya

Nasir Yoon Uski Yaad Chali Haath Thaam Ke
Mele Mein Is Jahan Ke khone Nahi diya

4

Re: Poet of Month " Nasir Kazmi "

Beautiful ghazal Gul. :k: Thanx for sharing.

5

Re: Poet of Month " Nasir Kazmi "

Yes indeed one of the great poet. I like this one

*** dil meN ek lehar sii uThii hai abhii***

dil meN ek lehar sii uThii hai abhii
ko’ii taazaa havaa chalii hai abhii

(lehar : wave)

shor barpaa hai Khaanaa-e-dil meN
ko’ii diivaar sii girii hai abhii

(Khaanaa-e-dil : in the heart; barpaa : arisen; diivaar : wall)

kuchh to naazuk mizaaj haiN ham bhii
aur ye choT bhii nayii hai abhii

(naazuk : delicate; mizaaj : temperament; choT : wound; nayii : new)

bharii duniyaa meN jii nahiiN lagtaa

jaane kis chiiz kii kamii hai abhii

tuu shariik-e-suKhan nahiiN hai to kyaa
ham-suKhan terii Khaamoshii hai abhii

(shariik-e-suKhan : participant in conversation; ham-suKhan : in conversation)

yaad ke be-nishaaN jaziiroN se
terii aavaaz aa rahii hai abhii

(be-nishaaN : without any trace; jaziiraa : island)

shahr ke be-chiraaGh galiiyoN meN
zindagii tujh ko DhuuNDhtii hai abhii

(be-chiraaGh : without lamps; galii : lane)

so gaye log us havelii ke
ek khiRkii magar khulii hai abhii

(havelii : mansion; khiRkii : window)

tum to yaaro abhii se uTh baiThe
shahr meN raat jaagtii hai abhii

vaqt achchhaa bhii aayegaa ‘Nasir’
Gham na kar zindagii paRii hai abhii

Sobia

whos the most khushfeham guppy/guppan
6

Re: Poet of Month " Nasir Kazmi "

kuch to ehasaas-e-ziyaan tha pahle
dil ka ye haal kahaan tha pahle

ab to manzil bhi hai Khud garm-e-safar
har qadam sang-e-nishaan tha pahle

safar-e-shauq ke far_sang na pouch
waqt beqaid-e-makaan tha pahle

ye alag baat k Ghum raas hai ab
is mein andeshaa-e-jaan tha pahle

yuun na ghabaraaye huye phirte the
dil ajab kunj-e-amaan tha pahle

ab bhi tu paas nahin hai lekin
is qadar duur kahaan tha pahle

Dere Daale hain bagolon ne jahaan
us taraf chashm-e-ravaan tha pahle

ab wo dariya na basti na wo log
kyaa Khabar kaun kahaan tha pahle

har Kharaabaa ye sadaa detaa hai
main bhi aabaad makaan tha pahle

kya se kyaa ho gaii duniyaa pyaare
tu vahin par hai jahaan tha pahle

ham ne aabaad kiyaa mulk-e-suKhan
kaisaa sun_saan samaan tha pahle

ham ne baKhshii hai Khamoshii ko zubaan
dard majabuur-e-fugaan tha pahle

ham ne roshan kiya maamuur-e-Ghum
warna har simt dhuaan tha pahle

Ghum ne phir dil ko jagaayaa *Nasir *
Khaanaa_barbaad kahaan tha pahle

Nasir kazmi

<!-- google_ad_section_end -->

7

Re: Poet of Month " Nasir Kazmi "

gaey dinon ka suraagh lay kar kidher sey aya kidher geya wuh
ajeeb manoos ajnabi tha mujhay tou haeran kar geya wuh

bas aik motii si chahb dikha kar bas aik meethi si dhuhn suna kar
sitara-e-shaam ban kay ayaa ba-rang-e- khawab-e-sehar geya wuh

khushi ki rut ho keh ghum ka mosam nazar ussey dhuhndati hay har dam
wuh boo-e- gul tha keh naghma-e-jaan merey tou dil mein utar geya wuh

na ab wuh yadon ka chahrhta dariya na fursaton ki udas barkha
yoonhi zara si kasak hay dil meinwuh zakhm gehra tha bhar geya wuh

kuch ab sanbhalnay lagi hay jaaN bhii badal chala daur-e-aasman bhi
jo raat bhari thi tal gai hay jo din kara tha guzar geyaa wuh

Pak army catches Burqa-Clad Arabs running away from the Malakand
8

Re: Poet of Month " Nasir Kazmi "

tere milane ko bekal ho gaye hai.n
magar ye log paagal ho gaye hai.n

bahaare.n leke aaye the jahaa.N tum
vo ghar sun_saan jangal ho gaye hai.n

yahaa.N tak ba.Dh gaye aalaam-e-hastii
ki dil ke hausale shal ho gaye hai.n

kahaa.N tak taab laaye naatavaa.N dil
ki sadame ab musal_sal ho gaye hai.n

nigaah-e-yaas ko niind aa rahii hai
musardaa pur_ashk bojhal ho gaye hai.n

unhe.n sadiyo.n na bhuulegaa zamaanaa
yahaa.N jo haadase kal ho gaye hai.n

jinhe.n ham dekh kar jiite the 'Nasir'
vo log aa.Nkho.n se ojhal ho gaye hai.n

9

Re: Poet of Month " Nasir Kazmi "

BeTh kar Saaya-e-Gul maiN Nasir
Hum bahut roYe jub woh yaad aaya

Nice collection...

I thought, Late Ahmed Nadeem Qasmi was supposed to be this month's poet.. :)

beautiful lesson for us"LIFE IS SHORT"
10

Re: Poet of Month " Nasir Kazmi " guzashta saal

guzashta saal mujsay aik mehwish nay ye pocha tha...!

zah_e_qismat agar shahid ko raah_e_zindagani main...!

koi bazooq hamrahi jo mil jaeay to phir kia ho!

tasawwur zoq_e_mehbobi main kho jaeay to phir kia ho!

musawwar daad jab tasweer say paeay to phir kia ho!

phir usnay aesi takhleqi nigahoon say mujay daikha!

main samja mad bharay nainoon ki may meri hi khatir hai.!

kuch aesay funshanas uskay khamida lab ki jumbash thi!

main samja ras bharay hontoon ki may meri hi khatir hai!

main nadaan tha kay uski baat main chahat ki bo pakar!

usi lamha fida uski sukhan fehmi peh ho baitha!

samaj baitha kay who shahid hoi hai muj peh shaidaey!

qarar_e_dil ganwa baitha sakon_e_zehn kho baitha!

mairay afkaar ki rahoon main usnay phool barsaeay!

jahan naqsh_e_gulab aaya waheen aks_e_shabab aaya.!

agarchay us pari wish say hoi baara mulaqatain!

magar manzoom chahat ka na koi bhi jawab aaya!

is afson_e_khamoshi ko main samjoon ghar to kia samjhoon!

main chahat ka yaqeen kar loon ya usko baiwafa kehdoon!

kaheen mil jaeay who mujko to us say aaj ye pochoon!

kisi ki daad jab baidaad ho jaeay to phir kia ho?

koi aabad jab barbaad ho jaeay to phir kia ho?

11

Re: Poet of Month " Nasir Kazmi "

***mohabat phool hoti hai !

mohabat khaar hoti hai !

mohabat koonj akloti !

mohabat daar hoti hai !

mohabat dushman_e_jaan bhi !

mohabat yaar hoti hai !

mohabat jeet bhi shahid !

mohabat haar hoti hai !

kabhi aisa bhi hota hai

mohabat paas dikhti hai

magar us paar hoti hai !***

Now whatd does this mean for Pakistan?
12

Re: Poet of Month " Nasir Kazmi "

**Dekh Muhabbat dastoor
Tu mujh say main tujh se door

Tanha tanha phirtay hain
Dil veerna aankhain bay noor

Dost bichartay jatay hain
Shauq liye jata hai door

Hum apna ghum bhool gaye
Aaj kisay dekhaa majboor

Dil ki dharkan kehti hai
Aaj koi aaye ga zuroor

Koshish lazim hai piyaray
Aagay jo us ko manzoor

Sooraj doob chala Nasir
Aur abhi manzil hai door**

Best drama of decade?
13

Re: Poet of Month " Nasir Kazmi "

**dil darhakane kaa sabab yaad aayaa
vo terii yaad thii ab yaad aayaa

aaj mushkil thaa sambhalanaa ai dost
tuu musiibat me.n ajab yaad aayaa

din guzaaraa thaa ba.Dii mushkil se
phir teraa vaadaa-e-shab yaad aayaa

teraa bhuulaa huaa paimaan-e-vafaa
mar rahe.nge agar ab yaad aayaa

phir ka_ii log nazar se guzare
phir ko_ii shahar-e-tarab yaad aayaa

haal-e-dil ham bhii sunaate lekin
jab vo ruKhsat hue tab yaad aayaa

baiTh kar saayaa-e-gul me.n 'Nasir'
ham bahut roye vo jab yaad aayaa **

14

Re: Poet of Month " Nasir Kazmi "

vo saahilo.n pe gaane vaale kyaa hue
vo kashtiyaa.N jalaane vaale kyaa hue

vo subah aate aate rah ga_ii kahaa.N
jo qaafile the aane vaale kyaa hue

mai.n jin kii raah dekhataa huu.N raat bhar
vo raushanii dikhaane vaale kyaa hue

ye kaun log hai.n mere idhar udhar
vo dostii nibhaane vaale kyaa hue

ye aap ham to bojh hai.n zamiin kaa
zamii.n kaa bojh uThaane vaale kyaa hue

Ever Met a Witch ?
15

Re: Poet of Month " Nasir Kazmi "

**niiyat-e-shauq bhar na jaaye kahin
tuu bhii dil se utar na jaaye kahin

aaj dekhaa hai tujhe der ke baad
aaj kaa din guzar na jaaye kahin

na milaa kar udaas logo.n se
husn teraa bikhar na jaaye kahin

aarazuu hai ke tuu yahaa.N aaye
aur phir umr bhar na jaaye kahin

jii jalaataa huu.N aur ye sochataa hun
raayegaa.N ye hunar na jaaye kahin

aao kuchh der ro hii len 'Nasir'
phir ye dariyaa utar na jaaye kahin**

Blindhope's Birthday!
16

Re: Poet of Month " Nasir Kazmi "

You are right. It should have been Qasmi sahab this month. It’s basically my mistake. I apologize :teary1:

araaaaaaaaagh !!!!!!!
17

Re: Poet of Month " Nasir Kazmi "

Not Agree!

Any Specific Reason for selecting Qasmi Sb and Not Nasir Kazmi?

The reason i have to justify the selection that both no more in this world so it doesnt matter Qasmi Sb. Or Kazmi Sb!

18

Re: Poet of Month " Nasir Kazmi "

Actually Qasmi sahab ka sadma abhi taaza taaza hey na, is leeye :(

19

Re: Poet of Month " Nasir Kazmi "

***kaun is raah se guzaRtaa hai
dil yuuN hii intazaar kartaa hai

dekh kaR bhii na dekhane vaale
dil tujhe dekh-dekh daRtaa hai

shahaR-e-gul meiN kaTii hai sarii raat
dekhiye din kahaaN guzarataa hai

dhyaan kii seeRe'ooN pe pichhale pahaR
koi chupake se paa'OoN dhartaa hai

dil to meraa udaas hai 'Nasir'
shahar kyoN saaye.n-saaye.n kaRta hai***

20

Re: Poet of Month " Nasir Kazmi "

bohat dair ki mehrbaa'N atey atey ..ye fiqra lagta koyal k leay tha :p
kher.......

naye kapray badal kar jaa_uuN kahaaN aur baal banaa'uuN kis ke liye vo shaKhs to shahar hii chhor gayaa ab Khaak uraa'uuN kis ke liye jis dhuup kii dil ko ThanDak thi vo dhuup usi ke saath ga'ee in jalatii bujhati galiyooN meiN ab Khaak uraa'uuN kis ke liye vo shahar meIN thaa to us ke liye aurooN se milnaa partaa thaa ab aise-vaise logoN ke mai.Nnaaz uThaa'uuN kis ke liye ab shahar meiN is ka baadal hi nahiiN koi vaisaa jaan-e-Gazal hi nahiN aivaan-e-Gazal meIN lafzoN ke gul_daan sajaa'uuN kis ke liye muddat se koi aayaa na gayaa sun_saan pari hai ghar kii fazaa in Khaali kamarooN meiN 'Nasir' ab shammaa jalaa'uuN kis ke liye