Please welcome Innocent Smile as your new poetry forum mod

[waleedhbk]

Re: Please welcome Innocent Smile as your new poetry forum mod

@Innocent_Smile

lijiye janab…ap sab ki khidmat main apni aik adhi adhori koshish pesh karny ki jasarat karti hon..

**mushk us ki yaadon ki yun rachi mere lail o nihar main
humain shehr e dil ki veerani ka ehsaas tak na raha

khud ko azmany ki khatir lia tha imtehaan us ka
hansi hansi main yun barhay gi baat ehsas tak na raha

wo toR gaya dori wafa ki, sab moti bikhar gaye
ada ke zo’am main usay khata ka ehsas tak na raha

tham ke hath tera chaltay rahay taptay sehra main kab tak
saalon ki musafaton ki thakan ka bhi ehsaas tak na raha

dobay yun us husn-parast ki waraftgiyon main hum
dhal jaye ga umar ka chand ik din ye ehsaas tak na raha

teri judaai ke sab dard jab se seh liye hain hansty hansty
humain wehshat e doran ki takleef ka ehsaas tak na raha

anaa ki sulagti rahon pe chal paray hum kab, kese!
apnay jalty hoye sapnon ka bhi ehsaas tak na raha

maal o mata ki chah main daikho to ho gaye hain kia se kia
ghairon ki to choron humain apnon ka bhi ehsaas tak na raha**

Lovely :k:

Thank you