tum mere paas raho
mere qaatil, mere dildaar, mere paas raho
jis gha.Dii raat chale
aasamaanon kaa lahuu pii kar siyah raat chale
marham-e-mushk liye nashtar-e-almaas chale
bain karatii huii, haNsatii huii, gaatii nikale
dard kii kaasanii paazeb bajaatii nikale
jis gha.Dii siinon mein Duubate huye dil
aastiinonmen nihaaN haathon kii rah takane nikale
aas liye
aur bachchon ke bilakhane kii tarah qul-qul-e-may
bahr-e-naasudagii machale to manaaye na mane
jab koii baat banaaye na bane
jab na koii baat chale
jis gha.Dii raat chale
jis gha.Dii maatamii, sun-saan, siyah raat chale
paas raho
mere qaatil, mere dildaar, mere paas raho
phuul the baadal bhii thaa aur vo hasiin suurat bhii thii
phuul the baadal bhii thaa aur vo hasiin suurat bhii thii
dil mein lekin aur hii ek shaql kii hasarat bhii thii
jo havaa mein ghar banaaye kaash koi dekhataa
dasht mein rahate the par taamiir kii aadat bhii thii
kah gayaa main saamane us ke jo dil kaa mudd'a
kuchh to mausam bhii ajab thaa kuchh merii himmat bhii thii
ajanabii shaharon mein rahate umr saarii kaT gaii
go zaraa se faasale par ghar kii har raahat bhii thii
kyaa qayaamat hai "Munir" ab yaad bhii aate nahiin
vo puraane aashnaa jin se hamen ulfat bhii thii
Re: phuul the baadal bhii thaa aur vo hasiin suurat bhii thii
good selection mr mani but not more than 2 sharing other wise will b merged :)