Behke behke huye andaaz-e-bayaan hote hain,
Woh hote hain to phir hosh kahan hote hain
Hont paband hain mafhoom bayaan hote hain,
Koi samjhe to ye aansoo bhi zubaan hote hain
Yaad hai Un ki nigaahon ka badalna mujh ko,
Aise andaaz k qayaamat k gumaan hote hain
Kyun shab-e-gham na jalaoon Un ki yaadon k chiraagh,
In se roshan Meri manzil k nishaan hote hain
Gham hai Baaqi To kisi roz khushi bhi ho gi,
Phool bhi khaak k pehlu mein jawaan hote hain.