Aaj Baarish Hui, Mujhe Tou Buhat Acha Laga.. Mausam Ki Pehli Baarish.. Kitnay Din Baad Aaj Mujhe Phir Se Matti Ki Mehek Ayi.. Dil Ander He Ander Buhat Khush Hua.. Magar Na Janay Kion, Baarish Se Mujhe Itna Ishq Hai Phir Bhi Mujhe Kabhi Kabhi Yeh Udaas Kerdeti Hai..
Aik Ghazal Hai Nasir Kazmi Ki, Mujhe Buhat Pasand Hai Kion Ke Nayyara Noor Ne Buhat Khoobsurat Andaaz Main Gaya Hai..
Phir Sawan Rut Ki Pawan Chali Tum Yaad Aye
Phir Patton Ki Pazaib Baji Tum Yaad Aye
Phir Koonjain Boleen Ghaas Ke Haray Samandar Main
Rut Aai Peelay Phulon Ki Tum Yaad Aye
Phir Kaga Bola Ghar Ke Sune Angan Main
Phir Amrit Ras Ki Boond Pari Tum Yaad Aye
Pehle To Main Cheekh Ke Roya Aur Phir Hansne Laga
Badal Garja Bijli Chamaki Tum Yaad Aye
Din Bhar To Main Duniya Ke Dhandhon Main Khoya Raha
Jab Deewaron Se Dhoop Dhali Tum Yaad Aye
Umeed Hai Aap Logon Ko Bhi Pasand Aye Gi..
Regards,