Bazi-e-ishq ko tum ulta jamaty kyo ho..
Pyar ki chaal chalo, khail se jaty kyo ho..
Tumhari chaah to nazron main ubhar aati hy..
Naqsh-e-tehreer ko ankhon se churaty kyo ho..
Husn munh zor hy, Yunhi na rahy ga sathi..
Charrhty daryaon pe ye band banaty kyo ho..
Thhak ky gir jao gay, ab is’qadar ooncha na urro..
Sath dharti pe raho, chaand tak jaty kyo ho..
Tum men jab kay koi bhi narm shagufa hi nehi..
Phir Gulabi ye lehar gaal pe laaty ku ho..
Jab kay ye ilm hy tum mery bin Adhury ho..
Is’qadar sabar ko phir apny aazmaty kyo ho..
Anaa-e-zaat ko tum apni Bachany kay liay..
Yun mery dil ko shab-o-roz jalaty kyo ho..
Apny jazbat ko har roz thapkiyan dety..
Mery khayal kay bistar pe sulaty kyo ho..
Dil mera rakh lo or Sawab kamao Jana’n..
Torr kar is ko tum gunah kamaty kyo ho..
Jab mohabat men ham dono shareek hain MARDAN!!
Phir ye ilzam faqat mujh pe uthaty ku ho.