phir bhii rangiiN_bayaaniyaaN na gaiiN...merii ek aur Ghazal

Arts & Culture Poetry ( Intikhaab & Sho'ra-e-Gupshup)
1

ahliyaan-e-maHfil kii Khidmat meN meraa salaam pahoNche,

ummeed hai k aap sab ke mizaaj-e-giraamii ba-Khair hoNge. is bazm meN maiN aaj apnii ek aur Ghazal pesh kar rahaa huuN is ummeed e qawii ke saath k aapkii taba’-e-naazuk par baar-e-giraaN na guzregii. aapkii aaraa o tanqeed o Hausalah_afzaaii kaa shiddat se intizaar rahegaa. shukria.

faqat Khaak_nashiiN,

_______KKF

**1.
'ishq kii aah o zaariyaaN na gaiiN
Husn kii dil_farebiyaan na gaiiN

aaii peerii, gaye shabaab ke din
phir bhii ulfat_sho’aariyaan na gaiiN

aaNkhoN aaNkhoN meN kah diyaa sab kuchh
'ishq kii be_zabaaniyaaN na gaiiN

din to juuN tuuN guzar gayaa, lekin
raat kii be_qaraariyaaN na gaiiN

zabt kis tarHa ho sake, jab k
dil kii be_iKhtiyaariyaaN na gaiiN

huuN guneh_gaar phir bhii baKhshish kii
dil se ummeed_vaariyaaN na gaiiN

bandagii ko bhulaa diyaa maiN ne
unkii banda_navaaziyaaN na gaiiN

Shai’Kh_Ji tum se sab gayaa, lekin
jhooTii parhez_gaariyaaN na gaiiN

maut sar par khaRii hai, “Sai’hbaa-Ji!”
phir bhii rangiiN_bayaaniyaaN na gaiiN** :wink: :stuck_out_tongue:

2

Re: phir bhii rangiiN_bayaaniyaaN na gaiiN…merii ek aur Ghazal

**aaii peerii, gaye shabaab ke din
phir bhii ulfat_sho’aariyaan na gaiiN

Kuch aadaten naakun ki tarah hoti hain, kaati ja sakti hain, choRi ja sakti hain.. aur kuch aadaten maas ki tarah… yahan bhi kuch yehi mama lagta hai.

PS: Nice Ghazal :k:
**

3

Re: phir bhii rangiiN_bayaaniyaaN na gaiiN…merii ek aur Ghazal

veryyyy nice :k:

but..itni serious ghazal k agay yeh smileys :hmmm: