The view of Aima karam, Muhaddiseen and Islamic Scholars about Hazrat Yazeed bin Mu’awaia (R.A)
Allama Ibn-e-Kaseer kehtey hain:
“Ek dafa Yazeed (Rehmatullah Alaih) ney Abdullah Ibn-e-Abbas (Razi Allah Unho) k saamney
taqreer ki aur jab Yazeed (Rehmatullah Alaih) wahan sey uth gaye to Abdullah Ibn-e-Abbas (Razi
Allah Unho) ney fermaya Banu Harb {Harb:Yazeed k perdada ka naam} aur Yazeed
(Rehmatullah Alaih) agar Duniya sey chaley gaye to Duniya sey Ulma uth jaayegein” (Albadaya
Wannahaya Vol. 8 pg. 229)
Imam Zehbi aur Allama Ibn-e-Kaseer likhtey hain:
“ Aur Yazeed (Rehmatullah Alaih) ki zaat main qabil-e-sataish sifaat halm-o-karam, fasahat-o-
shergoi, aur shujaat-o-bahaduri ki thiin. Aur mamlaat-e-hukumat main umda raye rakhtey they aur
woh khubsoorat aur khush seerat they.” (Albadaya Wannahaya Vol. 8 pg. 220, Al Islam by Imam
Zehbi Vol. 3 pg. 93)
Allama Ibn-e-Hajr Asqalani likhtey hain:
“ aur ibn-e-shozab ney biyan kya k main ney Ibraheem bin abi abad sey yeh baat suni hay woh kehtey they k main ney Khalifa Umer bin Abdulaziz ko Yazeed bin Mavia (Rehmatullah Alaih) per ‘Rehmatullah Alaih’ kehtey suna hay” (Lisaan-ul-Meezan Vol. 6 pg. 294)
Musab Zubairi (Rehmatullah Alaih) kehtey hain k:
“Yazeed (Rehmatullah Alaih) ek swaleh mard-e-mumin they” (Tehzeeb Vol. 6 pg. 300
Isi tarah Encyclopedia of Islam main likha hay k:
“ Ameer Yazeed (Rehmatullah Alaih) hud darja haleem-o-kareem, sanjeeda, mateen, ghuror-o-
takabur sey mubbarra, apni zer-e-dast riyaya k mehboob, tazk-o-ehtishaam-e-shahi sey
mutannafir they. Aam sheharyoon ki tarah saada maashrat sey zindagi basar kerney waley aur
muhazzib insaan they.” (Encyclopedia of ISLAM pg. 1163)
Isi tarah Allama Ibn-e-Kaseer likhtey hain:
“Ameer Yazeed (Rehmatullah Alaih) ney 51 hijri, 52 hijri aur 53 hijri main logoon ko Hajj keraya aur ameer-e-Hajj k faraiz anjaam diye” (Albadaya Wannahaya Vol. 8 pg 229)
Sahih Bukhari ki hadees hay:
“NABI (SAW) ney fermaya k meri ummat ka pehla lashkar jo Qaysar k shehar Qustuntunia per jihad kerega un k liye Allah ki taraf sey Maghfarat hay” (Sahih Bukhari Vol. 1 pg. 410) “Qustuntnuia per sab sey awwal jihad Yazeed (Rehmatullah Alaih) bin Mavia (Razi Allah Unho) ney kya aur un k saath sadaat-e-sahaba misl Ibn-e-Umer, Ibn-e-Abbas, Ibn-e-Zubair, Abu Ayub Ansari (Rizwanullah Ajmain) aur ek jamaat thi” (Hashia Sahih Bukhari Vol. 1 pg. 410)