**Mohabbat baad mein hoti hai jaanaaN ! **
**Us se pehle **
**Eik rishta aur banta hai **
**Agar is Eik rishte ko **
**Nazar-andaaz kar k **
**Ham kahein, **
**’ Ham ko mohabbat hai ’ **
**To phir ye khud-fareibi hai **
**Mohobbat aaisa pancHi hai **
**Jise ye eik rishta par lagaata hai **
**Usey uRna sikhaata hai **
**Ye rishta hai yaqeeN ka **
**Jo na ho to **
**Ishq k pancHi ko munh k bal giraata hai **
**Mohobbat ko ye rishta aaisi mazbooti dilaata hai **
**K jo faulaad mein hoti hai jaanaaN ! **
**HaaN ** Mohabbat baad mein hoti hai jaanaaN !