ye haseen shaam apni
abhi jis men ghul rahi hay
teray perahan ki khushbu
abhi jis men khil rahay hain
meray khaab kay shagoofay
zara der ka hay munzar
ye haseen sham apni
zara der men ufaq pay
khilay ga koi sitara
teri simt dekh kar wo
karay ga koi ishara
teray dil ko aaye ga phir
kisi yaad ka bulawa
koi qissa-e- judai
koi kar-e-namukammal
koi khabe nashagufta
koi bat kehnay wali
kisi aur aadmi say
humen chahiyya tha milna
kisi ehd-e-mehrbaan men
kisi khaab kay yaqeen men
kisi aur aasman par
kisi aur surzameen men
humen chahiyay tha milna
kisi ehd-e-mehrban men
humen chahiyay tha milna
kisi khaab kay yaqeen men
humen chahiyay tha milna
kisi aur aasman pur
humen chahiyay tha milna
kisi aur surzameen men
humen chahiyay tha milna