Jee raha tha akela magar ek din Meri khaamosh tanhaaiyon mein koi Ik pari jaaise ban k nidaa aa gaee Har khamoshi k ehsaas pe chha gaee Mujhse boli, “mera haath thaamo ge tum?” Jee to chaaha k jhatt se main haan bol doon Phir ye socha k maazi ka dar khol doon Mera maazi, k jis pe kaee daagh hain Main ne socha k is k andheron ka ddar Phir badal de ga us ke iraade, magar Wo iraade to zyaada attal ho gaye
Bas to khud ko supurd-e-hawa kar dia Thaam kar haath us ka main urrne laga Khwab se khwab sa koi jurrne laga Zindagi k suhaane se pal ho gaye Waqt kaise gaya, kuch khabar na hui
Ek din mujhse aaise wo kehne lagi "Ye ta’alluq, ye ehsaas apni jaga Par mujhe ab tum apne liye maang lo Mujh ko apna bana lo sadaa k liye" Dil tarrap sa gaya us ki is baat par Ye tamanna to meri bhi thi naan, magar Main, k jakrra hua apne halaat mein Wo, k majbooriyon ki sataai hui
Din guzarte rahe, donon kurrhte rahe Aakhir us ne achaanak kaha ek din, K wo ab se kisi ghair k naam hai Ik zara na yaqee(n) aaya pehle pehel Jab ye samjha to dunia fanaa ho gaee Us se poocha, wo iqraar o ehd-e-wafa Kya huey? wo mohabbat kidhar kho gaee? Sun k boli, "dagha thi, wo sab jhoot tha Mujh ko ulfat to apne Pia se hai bas"
Sun k hairat bhi hai, sun k wehshat bhi hai Par khuda se yehi poochta hoon main ab Wo to apne Pia ki thi, un ki hui Do dilon ki magar is kahaani mein main Kis liye, kis tarha aur kiyoon aa gaya ???
wow. andaz-e-byan mein bohat rwani hai.khani wohi purani hai mgar ap ko khenay ka dhang ata hai.welldon yongman,keep on writing and never forget sharing........Realy good.
Zamil sahab bohat achi akkaasi ki hey aap ney aek aesey sach ki jo humeiN apney har taraf deikhney ko mil jaata hey. It happens so often and I feel in proximity to almost everyone. Some time we take too much of a time to reach a decision — a delay in decision so much as it no longer remains our prerogative to decide. Thanx for sharing a ‘true poem’ with us
Buhat khoob Zamil,poori nazm hi zabardast hay mera nahin khayal thaa aap itna acha likh letey hein…waiting for your next post keep it up man you havetalent:-)
thanks for sharing:k:
MashaAllah Zamil ap ki poetry main roz ba roz nikhar he nikhar ahta ja raha hai.......hamesha ki tara aj bhi ap ki ye poem...bohat zaberdast hai...i wish k main itni long poem likh sakoon ap ki tara.....again bohat khoob Zamil...................Aaina( ur AC)
Bohat shukria janab....
Aap ne sahi kaha....fawwaara oopar jaane k liye kitna zor sarf karta hai par ek inteha se usey waapas hi lautna hota hai....coz us ki energy zawaal pazeer hone lagti hai.....agar wo urooj ka lutf us k saath saath hi oopar ka safar kare to usey laut-te huey thakan ka ehsaas na ho....Kiyun k urooj k lamhaat bohat mukhtasir hote hain or safar taveel....
Thanx again.....:)
First of all…Thanx Alottttt for visiting my thread…thanx for appreciating n liking…
Or ye k main mukhtalif threads mein aap k replies parrhta tha or jaan gaya tha k u have the sense of poetry…intazaar mein tha k aap kab mere thread ko raunaq bakhshein gi…aakhir ye intazaar khatm hua…thanx again…
Aap ne likha k u’ll wait for my next post…to waise to main ne abhi SGS mein zyada poetry post nahi ki hai, so agar waqt nikal sake to zaroor meri previous poetry bhi parrhiye ga…hope u’ll like that too…
Aadab…
Bohat bohat shukria Aaina Jee..... Bas khaaksaar to kya likhta hai.....aap ki ghazlein bhi to kuch kam nahi hain...:)
Or jahan tak lambi nazm ki baat hai to main yehi kahoon ga k nazm ki khoobsoorti lambaai ki mohtaaj hargiz nahi hoti....Ab isi nazm ko dekhiye....main ne yehi baat ek she'r mein likhi thi par us se dil ko qaraar nahi aa saka to usi mazmoon pe poori nazm likh daali.... She'r mulaahiza kijiye;
Wo sach k zeir-e-daam thi, apne Pia k naam thi Ye do dilon ki daastaa(n) mein main kahan se aa gaya
**