**Aaj ik pari chehra, khaab maiN jo daikha hai
Bhais khoof ka aouRay, hasratooN maiN dooba hai
Bar yaad palkooN per, dair se jo tehra hai
Adh khulee nigahooN maiN, khwahishoN ka dairah hai
Noor ke jhalak se jo, rang aik bikhra hai
Uss ne har taraf likha, naam sirf mera hai
Hussn bhe hai be-parwah, zulf bhe sunehri hai
In bhaNwar ghataooN maiN, ik ghazal se uljhe hai
Lab shabab maiN bheegy, mastioN k aalam maiN
SurkioN se tar ho kar, ik sawal maiN gum haiN.
Sub khayal k panchi, khushioN k haaly maiN
Chand aas ka choye, qurbatooN ke khad paye…
Kiss safar pe niklay haiN…???
Kaise hai ye sheereni, jo saba maiN phaile hai?
Ye khumar aankhoN main, kis waja se chaya hai?
Ye nikhar chehry pe, kis tarha se aaya hai?
Jaam-e-zindagi maiN hai, lazzato ke may shamil…
LarzeshaiN ye qadmooN ke, laRkhRa-hataiN kaise?
MuddatoN se na-abad dil nagar ke sehra per
BaadlooN ke chaadar hai….
Konse zameeN hai ye, aur kahaN ka saagar hai?
Aankh khulne se pehly, uss pari se bola maiN
K haseen ye dunya, jiske tum haseena ho,
KehkeshaN sitarooN ke, uske roshni se hai!
Ye jahaN muhabbat hai, Khowab iss maiN palty haiN…
Dard iss maiN milty haiN…
Faaslay bouhat lambay, ik nazar maiN miTty haiN,
Iss ajab jazeeray k, log “dil” maiN rehty haiN,
Tum alag nahi iss maiN
Sub “haseen” basty haiN!!**
