yun Maatmii Se Libaas Mein koii Aah o FuGhaan hai Aaj Bhi
Jaisey ChaSham e Tar Mein Khwaab koii PreShaan hai Aaj Bhi
Main Zindgii Kii Raah-Guzar Par Dar-Badar hon Iss Liye
Ke mohabbatoun Ke Shehar Mein Dil Be-Makaan hai Aaj Bhi
Teri Aarzo hai bohet Magar Meri Pohanch Nahi hai Is Qadar
Meri KhwaahiShoun Ke Waastey to AaSmaan hAi Aaj Bhii
Main toheed Ke Har NiSaab Se Waisey to musalmaan hon
Par tujhey Poojney Kii Baat hai to Dil Be-Emaan hai Aaj Bhi
Teri Anjuman Tera Har Karam Teri Chahtien to Chin Gaien
Magar dard jo Mera NaSeeb Bana wo MeharBaan hai Aaj Bhi
Teri Aziyatoun Ka Sawal hai to mujhey Kal Bhi Zabt Pey Naaz Tha
tujhey kosney Kii Baat hai to Dil Be-Zubaan hai Aaj Bhii
Kabhi dard Had Se Barha Bhi to Main Teri Had Se BaRha Nahi
Meri to Saans Kii TaSbiyoun Mein Eik tu Hii Ranwaan hai Aaj Bhi
So Baadloun Ke SilSiley Meri Chatt Pe Baras Kar Chaley Gye
Par jalla jalla Dhuwaan Dhuwaan Mera AaShiyaan hai Aaj Bhi
mujhey Kal Milley Thai Kuch gulaab jo Teray Liye Yeh Keh Gye
Ke Teray Intezaar Mein Soug-Waar gulshaan Ka Samaan hai Aaj Bhii
