Kaanp Uthti Hon Mein Yeh Soch K Tanhayi Mein
Mere Chehray Par Tera Naam Na Parh Le Koi
Jis Tarah Khuwab Mere Ho Gaye Raiza Raiza
Is Tarah Se Na Kabhi Toot K Bikhrey Koi
Mein To Us Din Se Hirasan Hon K Jab Hukm Milay
Khushk Phoolon Ko Kitaabon Mein Na Rakhay Koi
Ab To Is Rah Se Woh Shakhs Guzarta Bhi Nahi
Ab Kis Ummeed Pe Darwaze Se Jhankay Koi
Koi Aahat, Koi Aawaz, Koi Chaap Nahi
Dil Ki Galiyan Bari Sunsaan Hain, Aaye Koi