Obaidullah Aleem Ki Kavish
Aziz itnaa hi rakho kay ji saNbhal jaaye
ab is qadar bhi na chaaho kay dam nikal jaaye
mile hain yuuN to bahut aao ab milen yuuN bhi
kay ruuh garmi-e-anfaas say pighal jaaye
muhabbaton men ajab hay dilon ko dharrakaa saa
kay jaane kaun kahaaN raastaa badal jaaye
Zahay vo dil jo tamannaa-e-taazaa tar men rahe
Khushaa vo umr jo Khvaabon hi men bahal jaaye
main vo charaagh-e-sar-e-rahaguzaar-e-duniyaa huuN
jo apani zaat ki tanhaaiyon men jal jaaye
har ek lahzaa yahi aarazuu yahi hasrat
jo aag dil men hay vo sher men bhi Dhal jaaye
