Wo kehti thi…
jayin jakar shirt utarain
dosri pehnain
yeh to match nahi karti hai
jayin jakar tie lgayen
purple tie
shoes to me nay raat he polish kardaly thay
phir yeh app nay q pehnay hain
dekhain sox bhi theek nahi hain
phir jab me yeh sub kuch kar k chalnay lagta
uss k honton pe kiss karta
aur ussay banho me bharta
masnooyi ghabrahat orh k sargoshi me mujh say kehti
thehrain thehrain
hooo…ooo…yeh khushboo
thora sa perfume to karlain
mana app buhat sada hain
lekin jana
office janay say pehlay
apnay baal banaya kejyey
aur ab
maili shirt aur udhra kaaj
mailay collar button khulay hain
tie nahi hai shave barhi hai
baal uljhay hain
ankhain neend say bojhal hain aur
honton pe bhi gard jami hai
isss hulyay me ghar say nikla to yaad aya
WO KEHTI THEE…