Bajuz hawa koi jaanay na silsilay teray
Main ajnabi hun–karun kis say tazkiray teray?–
Yeh kaisa karb ka mausam hai aye nigaar-e-chaman
Hawa mai rang na khushboo mai zaayeqay teray
Main theek say teri chahat tujhey jata na saka
Keh meri raah mai hayel they mas-alay teray
Kahan say laaon tera aks apni aankhon main
Yeh log daikhnay aatay hain aainay teray
Gulon ko zakhm–sitaaron ko apnay ask kahun
Sunaaon khud ko teray baad tabsiray teray
Yeh dard kam toh nahi hai keh tu humein na mila
Yeh aur baat keh hum bhi na ho sakey teray
Judaayon ka tasawur rula gaya tujh ko
Chiraagh shaam say pehlay hi bujh gaye teray
Hazaar neend jalaaon teray baghair magar
Main khuwaab main bhi na daikhun wo rat-jagay teray
Hawaye mausam-e-gul ki hain loriyan–jaisay
Bikhar gaye hon fizaaon mai qehqahay teray
Kisay khabar keh humein ab bhi yaad hai Mohsin
Wo karwatain shab-e-gham–wo hauslay teray
Mohsin Naqvi****
As usual…Great:flower2: :k: **