Nohas

Society Religion & Philosophy
1

:bism:

The month of Muharram ul Haraam is of special significance for shia muslims. I want to invite them to post nohas of their choice in this thread. This thread is not open for discussion, per se. Just to post nohas you will like to share.

I apologize for not doing this early, but I am sure you can make this a good collection of nohas and other relevant material. This will be stuck as “Important” during this month.

Please don’t post long articles or links to other websites.

Jazak Allah

ps. Just FYI… any posts which are just questions or discussions, will be split and merged with the other thread. So if you see your reply missing from here, you will likely find it here

http://www.gupistan.com/forums/showthread.php?s=&threadid=140970

2

To start of, I am quoting something posted by Little Human in another thread

*Originally posted by little human: *
Aik Pyaase Ki Jung Dekho....
Shahe mazloom hai Zuljanah par sawaar
Ghum Ka seene pei haar
Kown Maqtal mein aata hai parwardigaar
Dil mein bhai ka behnoun ka apno ka gham
Sehra ha hai musalsal sitam par sitam
Khoon mein duba libaas-e-ghareebi liye
Ran mein dekho Hussain aa raha hai
Khushk honto se shukhi zabaan se
Jo sada pe sada de rahaa hai

ShamiyouN........ShamiyouN......ShamiyouN.......
Aawo.....maqtal mein aawo........

3

And this submission from Nancy Drew

*Originally posted by Nancy Drew: *
Ek Pyaase ki Jung dekho

Roze ashoor hai. Zuljanah par sawaar. Ghum ka seene pei haar. Kown maqtal mein aata hai parwardigaar. Dil mein bhaayi ka beton ka apno ka gham. Sehra ha hai musalsal sitam par sitam. Khoon mein duba libaas-e-ghareebi liye. Ran mein dekho Hussain aa raha hai. Khushk honto se sukhi zabaan se. Jo sada pe sada de rahaa hai.

Shaamiyon Shaamiyon Shaamiyon aawo maqtal mein aawo. (Ek pyaase ki jung dekho) x2 (Allahu Akbar Allahu Akbar) x2

Naam mere khuda ka raheyga. Qalma-e-laa ilaaha raheyga. Deen Qur'aan kaaba raheyga. Mera Islaam zinda raheyga. Tegh meri qaza mein dhali hai. Mere baazu mein zoor-e-Ali Hai.
Shaamiyon Shaamiyon Shaamiyon aawo maqtal mein aawo. (Ek pyaase ki jung dekho) x2 (Allahu Akbar Allahu Akbar) x2

Karbala haq ki taaqat raheygi. Ye lahu ki tamazat raheygi. Meri dharti ki izzat raheygi. Mere parcham ki hurmat raheygi. Khatm ho jaayegi har ghulaami. Mujhko tareekh degi salaami.
Shaamiyon Shaamiyon Shaamiyon aawo maqtal mein aawo. (Ek pyaase ki jung dekho) x2 (Allahu Akbar Allahu Akbar) x2

Tum ho sairaab aur mein hun pyaasa. Tum hazaron ho aur mein hun tanha. Margaya hai jawaan bhaai mera. Le gaya nur aankhon ka beta. Jung ka naam ab tum na loge. Kyaa Ali aagaye ye kahoge.
Shaamiyon Shaamiyon Shaamiyon aawo maqtal mein aawo. (Ek pyaase ki jung dekho) x2 (Allahu Akbar Allahu Akbar) x2

Khoon kyun aadmi ka bahayen. Amn ke phool har jaa khilayen. Saari insaniyat ko jagayen. Zulm se haan magar haath uthaayen. Tum ne majboor mujh ko kiya hai. Ab meri tegh-o-amr-e-khuda hai.
Shaamiyon Shaamiyon Shaamiyon aawo maqtal mein aawo. (Ek pyaase ki jung dekho) x2 (Allahu Akbar Allahu Akbar) x2

Wo jo laashon pe laashe uthaaye. Ek katra jo paani na paaye. Jis ka ghora bhi thakkar karaa hai. Jung us ki hazaron se haaye. Phir bhi jinn-o-malak jung dekhe. Arsh waale meri jung dekhe.
Shaamiyon Shaamiyon Shaamiyon aawo maqtal mein aawo. (Ek pyaase ki jung dekho) x2 (Allahu Akbar Allahu Akbar) x2

Mere baba Ali aa chuke hain. Mere bhaya Hasan aa chuke hai. Daad Abbas bhi de rahen hain. Mujh ko Akbar mere dekhte hain. Dar-e-khayma pe behne khari hain. Amma Zahra dua de rahi hai.
Shaamiyon Shaamiyon Shaamiyon aawo maqtal mein aawo. (Ek pyaase ki jung dekho) x2 (Allahu Akbar Allahu Akbar) x2

Jab kiya parh ke takbeer hamla. Shoor uthne laga al amaan ka. Shola-e-zulfiqaar aisa chamka. Paaon tak khoon mein duba tha ghora. Ran mein uth ne lagi khoon ki mowjein. Jaa ke kufe se takraayi fowjein.
Shaamiyon Shaamiyon Shaamiyon aawo maqtal mein aawo. (Ek pyaase ki jung dekho) x2 (Allahu Akbar Allahu Akbar) x2

Jab ye dekha falak se ye manzar. Bola jibreel se Rabb-e-Akbar. Kehdo Shabbir se ab ye jaakar. Imtehaa khatm hai ibne Haider. Mutmain nafs waale palat aa. Rab tera tujhse raazi huwa. Tera zaakir hai tera khudaa. Ay Hussain Irjaaee Ay Hussain Irjaaee. Irjaeee Marhaba. Shor Raihaan-o-Sarwar uthaa. Asr-e Aashoor ka waqt tha. Aa rahi thi azaan ki sadaa. Sheh ne Sajde mein Sar Rakhdiyaa.
Ya hussain ya hussain ya hussain ya hussain

4

Chadar sambhal zainab

(Chadar sambhal zainab abbas jaa rahe hai) x4

Sadkaa nikaal zainab abbas jaa rahe hai
(Chadar sambhal zainab abbas jaa rahe hai) x2

Chadar chinenge jis dam tab kon paas honga. Qaydi banenge jab ham tab kon paas honga. Mat kar sawaal zainab abbas jaa rahe hai
(Chadar sambhal zainab abbas jaa rahe hai) x2

Maktal mein kho na jaye ghazi ke baad bache. Be haal ho na jaye ghazi ke baad bache. Rakhna khayaal zainab abbas jaa rahe hai
(Chadar sambhal zainab abbas jaa rahe hai) x2

Pardesi me chinengi ab tere sar se chadar. Ab baal khol apne ay bibi apne sar par. Ab khaak daal zainab abbas jaa rahe hai
(Chadar sambhal zainab abbas jaa rahe hai) x2

Bacho se ab tamache ay bibiyo lagenge. Shame ghariban hongi khayme bhi ab jalenge. Rakhde zawaal zainab abbas jaa rahe hai
(Chadar sambhal zainab abbas jaa rahe hai) x2

Koi khaak par khare tad gash khaa ke gir raha hai. Be haal koi ho kar takra ke ghir raha hai. Sabko sambhal zainab abbas jaa rahe hai
(Chadar sambhal zainab abbas jaa rahe hai) x2

Sheh reh gaye hai tanha koi nahi hai zainab. Gazi ke baad sheh ka koi nahi hai zainab. Sheh ka khayal zainab abbas jaa rahe hai
(Chadar sambhal zainab abbas jaa rahe hai) x2

Ghazi ke gird phir kar aa chal ki tu hawaa de. Shaano pe haat rak kar ghazi ko tu duwaa de. Hai pur jalaal zainab abbas jaa rahe hai
(Chadar sambhal zainab abbas jaa rahe hai) x2

Khayme me thaam kar dil kahi aa na jaye sarwar. Sunkar ye bayn tere gash kha na jaaye sarwar. Khud ko sambhal zainab abbas jaa rahe hai
(Chadar sambhal zainab abbas jaa rahe hai) x2

Barpa navaid is dam khayme me hai wo mehshar. Zainab se keh rahi hai sab bibiya lipat kar. Kya honga haal zainab abbas jaa rahe hai
(Chadar sambhal zainab abbas jaa rahe hai) x2

Sadkaa nikaal zainab abbas jaa rahe hai
(Chadar sambhal zainab abbas jaa rahe hai) x2

5

Tamam alam maiN aj matam Hussain(a.s) ka horaha hai
Alum gharon par sajay huwy haiN dilo maiN farsh-e-az’a bicha hai

Hussain (a.s) peeri maiN dil sambhalaiN keh dil say uljhi sina nikalaiN
Jawan beta lahoo maiN duuba zameen par aeRee ragaR raha hai

Tamam alam maiN aj matam Hussain(a.s) ka horaha hai

Na mar barchee dil-e-nabi par abhi huway haiN jawan Akbar
Keh qatal jis ko tu ker raha hai yehi to hum shakl-e-Mustafa hai

Tamam alam maiN aj matam Hussain(a.s) ka horaha hai

Madeenay walo khamoosh rehna GHareeb Zainab say kuch na kehna
Bhara huwa ghar jo lay gaye thee woh aj “Karbala” maiN lut gaya hai

Tamam alam maiN aj matam Hussain(a.s) ka horaha hai

6

weblinks to actual nohas ya text?

i’ve got some nohas/marsiyas i really like on this page..

http://www-scf.usc.edu/~syedmuha/majalis/muntazir.html

(“dont post links to websites”.. this isnt really a website.. its my page because i dont know how to upload ):bummer:

7

ASGHAR BEHN BULATI HAI

11810.irfan71

(Aa asger aaja) x4

(Kuch to bolo ankhe kholo, asger behen bula ti hai) x3

(kuza lekar hatho me wo) x2

tujko dundh ne jaati hai

(Kuch to bolo ankhe kholo, asger behen bula ti hai) x3

Paani jab paya pyaasone (ay laal kaleja thaam liya) x2
Teri hamsheer sakina ne ye kehkar tera naam liya

(aa asger aaja) x2

Ay meri jaan ran se aawo

Asger behen bula ti hai

(Kuch to bolo ankhe kholo, asger behen bula ti hai) x3

Paani na mili ay laal tuje, (aur teer se teri pyaas bujhi) :teary3:x2
Masoom sakina haatho me mashkiza laykar kehti thi

(aa asger aaja) x2

mere pyaase pani pilo

Asger behen bula ti hai

(Kuch to bolo ankhe kholo, asger behen bula ti hai) x3

Paani me tera chehra usko (aata hai nazar wo roti hai) x2
Phailaye aba ke daman ko hamsheer fuga ye karti hai

(aa asger aaja) x2

me pareshaan hu sadaa do

Asger behen bula ti hai

(Kuch to bolo ankhe kholo, asger behen bula ti hai) x3

paani aur mashk mere bache (mansoob huwe dono tujse) x2
kehti hai behen wo tashnadehen sota hai khafa mujse hoke

(aa asger aaja) x2

tu khafa ho kuch bataa do

Asger behen bula ti hai

(Kuch to bolo ankhe kholo, asger behen bula ti hai) x3

paani bankar ye khoon jigar (ankho se teri furkat me bahaa) x2
bhuri me teri marjawungi, roro ke behen deti hai sadaa

(aa asger aaja) x2

lot aawo lot aawo

Asger behen bula ti hai

(Kuch to bolo ankhe kholo, asger behen bula ti hai) x3

paani pe nazar jab jaati hai (bas pyaas teri yaad aati hai) x2
talwaar ki tarha yaad teri, dil tukre mera karjaati hai

(aa asger aaja) x2

abbhi jaawo abbhi jaawo

Asger behen bula ti hai

(Kuch to bolo ankhe kholo, asger behen bula ti hai) x3

paani ki jagaa turbat to teri (ashko se bhi doya baba ne) x2
phoolo ki ridaa jab milna saki, nawha ye kiya us dukhiya ne

(aa asger aaja) x2

na sakina ko rulaawo

Asger behen bula ti hai

(Kuch to bolo ankhe kholo, asger behen bula ti hai) x3

paani paani ki aik sadaa (dete the sabhi par tum to nahi) x2
ab paani mile akfaal mere, pilenege abhi par tum to nahi

(aa asger aaja) x2

isliye to dekho tumto

Asger behen bula ti hai

(Kuch to bolo ankhe kholo, asger behen bula ti hai) x3

8

salaam ussay keh agar baadshah kahein us ko
o phir kahein, keh kucch is ke siwa kahein us ko
na baadshah na sultan, yeh kia satayesh hai
kaho, keh khamis-e-aal-e-abaa kahein us ko
:
:
farogh-e-johar-e-eemaan hussain ibn-e-ali
keh shamaa-e-anjuman-e-kibriyaa kahein us ko
:
:
woh jis ke maatamyon par hai salsabeel sabeel
shaheed-e-tishna lab-e-karbalaa kahein us ko
:
:
bohat he paya-e-gard-e-rah-e-hussain buland
baqadr-e-feham hai, gar keemiya kahein us ko
:
:
hamaara moonh hai keh dein us ke husan-e-sabr ki daad
magar nabi-o-ali marhabaa kahein us ko
:
:
imam-e-waqt ki yeh qadr hai keh ahl-e-inaad
payada le chalein us ko or na-saza kahein us ko
:
:
ali ke baad hassan, or hassan ke baad hussain
kare jo un se burayi, bhalaa kahein us ko??
nabi ka na ho jissay aiteqaad kafir hai
rakhay imam se jo bughz, kia kahein us ko??

bharaa hai GHALIB-e-dil khasta ke kalaam me dard
ghalt nahin hai keh khoneen nawaa kahein us ko

  • skipped out less significant verses and those that went to shirk as well
9

:flower1:

10

This one is about bibi Fatima (as) calling out to her son Imam Hussain(as) as he lay slain on the desert of kerbala.

Aashur ka sooraj hai, qiyamat ki ghaRi hai,
Bhayee ka gala kat-tha, behen dekh rahi hai,
Maqtal meh kisi maa ki, sada ghoonj rahi hai…

Aa aye mereh hussain meri godh meh aaja,
aa ja mereh bacheh, meri aghosh meh aah ja.

mereh liye aye laal, tu asgher ki tarha hain
godhi meri gehwara hai, bistar ki terha hai
iss dhoop meh daaman mera, chaador ki tarha hai...

Aa aye mereh hussain meri godh meh aaja,
aa ja mereh bacheh, meri aghosh meh aah ja.

mai maah hou, mera dil nahi seneh me sambhalta,
nazuk ye badan tera, ye jalta huwa sehra
aur iss peh setam yeh hai ke, tu reh giya piyasa...

Aa aye mereh hussain meri godh meh aaja,
aa ja mereh bacheh, meri aghosh meh aah ja.

meh godhi me leh louh, tujhe seneh peh laga louh
seneh peh sakina, ki tarha tujh ko solah louh,
seneh meh tereh teer, meh palkouN seh nibha louN...

Aa aye mereh hussain meri godh meh aaja,
aa ja mereh bacheh, meri aghosh meh aah ja.

aah ker mereh zaano, peh jo soh jaateh the beta,
chakki ki mashafqat, seh bhi pehloo nahi badla,
ab kaiseh tujeh chouRouN, maqtal meh akeila...

Aa aye mereh hussain meri godh meh aaja,
aa ja mereh bacheh, meri aghosh meh aah ja.

teri bhi to aulad hai, tu bhi to padar hai,
aulad ka gham kiya hai, ye tujh ko hi khaber hai,
gham bache ka seh jaye, ye kis maa ka jigar hai...

Aa aye mereh hussain meri godh meh aaja,
aa ja mereh bacheh, meri aghosh meh aah ja.

kiyu lait giya thak ke, tu iss jalti zameen par,
ye kis ka lahu tu neh, mala roohe haseen par,
mat khaaq peh soh laal, teri maah hai yehi par...

Aa aye mereh hussain meri godh meh aaja,
aa ja mereh bacheh, meri aghosh meh aah ja.

jo dil peh tere guzri, meh sab dekh rahi thi,
har laash uthaneh, meh tereh saath gaye thi,
ab woh baath kahouN gi, jo bachpan meh kahi thi...

Aa aye mereh hussain meri godh meh aaja,
aa ja mereh bacheh, meri aghosh meh aah ja.

11

This one is about Majlis e Imam Hussain (a.s.)

He sog-e jis jagaa bhi. Shahe mashrakain-e ka. Khud-e pursa zehra ne di he. Is-e noor-e ain-e ka. Rona sawab jispe na rona haraam he.

Chashme khuda me iska baraa aitiraam he.

Yeh majlis-e husain, alaihis salaam he. chashme khudaa me iska baraa ehtiraam he.

Ye majlis-e he hamde khuda naat-e mustafa. In majliso me hota he quran-e lab kusha. In majliso me miltaha janat ka rasta. In majliso ki hoti he kuch asi ikhtidaa. Zakir ke lab pe pehle khudaa ka kalaam he.
Chashme khuda me iska baraa aitiraam he.

Yeh majlis-e husain, alaihis salaam he. chashme khudaa me iska baraa ehtiraam he.

In majliso me hoti he insaniyat ki bat. Zikra gham-e husain he waydaniyat ki bat. Ya majlise rasool ki hakaniyat ki bat. Rak karthi he ye majlise sufyani yat ki bat. In ke sabab to hur bhi alaihis salaam hai.
Chashme khuda me iska baraa aitiraam he.

Yeh majlis-e husain, alaihis salaam he. chashme khudaa me iska baraa ehtiraam he.

In majlis-o ko ajra risalaat kaha gaya. Roze azal se rone ka fitrat kaha gaya. Dilki lugat me isko mohabbat kaha gaya. Yani ise batul ke sunnat kaha gaya. Har rone ankh-e ko mere salaam he.
Chashme khuda me iska baraa aitiraam he.

Yeh majlis-e husain, alaihis salaam he. chashme khudaa me iska baraa ehtiraam he.

Ik majlise azaa jo huwi mulk-e shaam me. Zainab ne saf bichayee thi yaaday imam me. Ansu chopey hoye the shahido ke naam me. Matam huwa jo yaad-e shah-e tish na kam me. Tabse gham-e husain-e zamaan-e me aam he.
Chashme khuda me iska baraa aitiraam he.

Yeh majlis-e husain, alaihis salaam he. chashme khudaa me iska baraa ehtiraam he.

Majlis me zikre bali sakina ki yaad karo. Pani piyo to yaad shahe karbala ki ho. Majlis me tazgaraa ali asghar ke jab suno. Ik raha sar de bhar ke tarap kar yahi kaho. Asghar bara shahido me tera mukaam he.
Chashme khuda me iska baraa aitiraam he.

Yeh majlis-e husain, alaihis salaam he. chashme khudaa me iska baraa ehtiraam he.

12

:teary2:

13

:jazak:

14

:flower1:

I forgot earlier… Faisal thanks for this thread :slight_smile:

15

oh nice ... post in audio plzzzz ...

16

audio of the nawha below

Haaye mazloom hussaina

Ya hussain ya hussain hussain, ya hussain ya hussain, haaye mazloom hussaina wawaila wawaila wawaila, kehti thi zehra jaai lo aaj qiyamat aai, ya hussain ya hussain hussain, ya hussain ya hussain

Haaye mazloom hussaina wawaila wawaila wawaila, kehti thi zehra jaai lo aaj qiyamat aai, ya hussain ya hussain hussain, ya hussain ya hussain

Dil khoun kay aansoun rota hay aabid pay sitam jab hota hay, nasir tha mera gayyur jari shanon ko kata kay sota hay, bulaaoun kisey sada doun kisey pukaroun kisey
Kehti thi zehra jaai lo aaj qiyamat aai, ya hussain ya hussain hussain, ya hussain ya hussain, haaye mazloom hussaina wawaila wawaila wawaila

Sar tera sinan par hay bhai roti hay teri zehra jaai, be parda haram hain saath magar hay charon taraf ek tanhai, batao mujhey juda tum huwe behan kyu jiey
Kehti thi zehra jaai lo aaj qiyamat aai, ya hussain ya hussain hussain, ya hussain ya hussain, haaye mazloom hussaina wawaila wawaila wawaila

Khinchti hay rasan hoti hay chubhan uthti hay dukhan roti hay bahan, deti hay mahan sadmon ky thakan lachar bahan aur door watan, terey bad gham miley har qadam karain KYA haram
Kehti thi zehra jaai lo aaj qiyamat aai, ya hussain ya hussain hussain, ya hussain ya hussain, haaye mazloom hussaina wawaila wawaila wawaila

Woh dard miley hain bad terey kaisey main kahoon kya kya dekha, thi garm zameen-e-karb o bala be gor o kafan lasha tera, hoi benawa luta ghar mera chhini hay rida
Kehti thi zehra jaai lo aaj qiyamat aai, ya hussain ya hussain hussain, ya hussain ya hussain, haaye mazloom hussaina wawaila wawaila wawaila

Paband-e-rasan bazaron main tatheer ki waris aai hay, behta hay lahoo aankhon say merey woh chot jigar pay khai hay, sataey laeen hua dil hazeen koi bhi naheen
Kehti thi zehra jaai lo aaj qiyamat aai, ya hussain ya hussain hussain, ya hussain ya hussain, haaye mazloom hussaina wawaila wawaila wawaila

Khati hay tamanchey rahon main masoom sakina aada kay, hain haath pas e gardan merey is ko main bachaoun gi kaisey, tu hi kuch bata kisey day sada bahan be khata
Kehti thi zehra jaai lo aaj qiyamat aai, ya hussain ya hussain hussain, ya hussain ya hussain, haaye mazloom hussaina wawaila wawaila wawaila

Ek or sitam sehna hay mujhey darbar main jana hay bhayya, wada jo kya main nay tujh say wada woh nibhana hay bhayya, rida khoun bhari baqa ban gai hay islam ki
Kehti thi zehra jaai lo aaj qiyamat aai, ya hussain ya hussain hussain, ya hussain ya hussain, haaye mazloom hussaina wawaila wawaila wawaila

17

sham-e-gham agaye sham-e-gham agaye

kya raha khemoo main shah kay ek udasi rah gay
sirf rony ko Mohsmaad :saw: ki nawasi rahgaye

kya raha khemo main shah kay ek udasi rahgaye

saj gaye qasim kay tukroo say udhar karb-o-bala
m’aa idhar betay ki dulhan ko sajati rah gaye

kya raha khomoo main shah kay ek udasi rahgaye

cheenta tha shimr chadar aur zenab bar bar
apni chadar kay muhafiz ko bula’ti rah gaye

kya raha khemoo main shah kay ek udasi rah gaye

khoon dil abaas ka sub bah gya run main magar
dil main bus ek baat zenab ki rida ki rah gaye

kya raha khemo main shah kay ek udasi rahgaye

aye Musalmano tumhari gheratain kya hogaye
tum tamashaye thay zenab monh chupa kar rahgaye

kya raha khemo main shah kay ek duasi rahgaye

qaid main bali sakeena ko mila baba ka sir
monh pay monh rakh kar jo soye ma’a jagati rah gaye

kya raha khomo main shah kay ek udasi rahgaye

madr-e-Asghar na bethi saye main asghar kay badh
saye main aye to zinda lash baqi rah gaye

kya raha khemmo main shah kay ek udasi rah gaye
sirf rony ko Mohmmad :saw: ki nawasi rahgaye

click here to listen

18

^^ :jazak:

19

audio

Na bhoole na bhoole

Har majlise, shabbir me, aati hai maa shabbir ki. Kehti hai kya, ay momino. Tumse ye maa roti huwi. Zakhmi hai mera ladla. Zakhmi hai mera ladli. Marham muje dedo koi. Marham to hai ashke azaa. Rumale me, lejawungi.

In asuwo ne bhar diye. Sab zakhmato dilgeer ke. Do gaawo ese hai magar, bharte nahi shabbir ke.
(Na bhoole na bhoole. Shabbir nahi bhoole) x2 (Ek chadar zainab ki) x2 Ik sina akbar ka.

Matam karo, matam karo, gar lut gaya shabbir ka. Maa agayi shabbir ki, matam karo shabbir ka. Khanjar tale neze pe bhi, karte rahe shukre khuda
(Na bhoole na bhoole. Shabbir nahi bhoole) x2 (Ek chadar zainab ki) x2 Ik sina akbar ka.

Tiro pe tha, lasha tere. Roti rahi karbobala. Khayme ka jab parda utha, boli bahan bhayya mera. Lasha tarap kar reh gaya karte rahe shukre khuda
(Na bhoole na bhoole. Shabbir nahi bhoole) x2 (Ek chadar zainab ki) x2 Ik sina akbar ka.

Sughra udhar roti rahi, mawla idhar rote rahe. Wa muntazir bimar thi, ya katl sab hote rahe. Sehra me ghar lut ta raha karte rahe shukre khuda
(Na bhoole na bhoole. Shabbir nahi bhoole) x2 (Ek chadar zainab ki) x2 Ik sina akbar ka.

Lipti sume, aspas thi. Wo ladli beti teri. Maloom tha mawla tuje. Ab na milengi ye kabhi. Phir bhi suwe maktal gaye karte rahe shukre khuda
(Na bhoole na bhoole. Shabbir nahi bhoole) x2 (Ek chadar zainab ki) x2 Ik sina akbar ka.

Darbar me, bazar me. Zindan me har aan me. Kaise sitam sehti rahi. Beti teri behna teri. Dekha ke ye neze pe sar karte rahe shukre khuda
(Na bhoole na bhoole. Shabbir nahi bhoole) x2 (Ek chadar zainab ki) x2 Ik sina akbar ka.

Neze pe bhi, sar hai tera. Phir bhi tera kya shan hai. Ye sar hai ke mawla tera. Ya bolta quran hai. Tanse juda sar hogaya karte rahe shukre khuda
(Na bhoole na bhoole. Shabbir nahi bhoole) x2 (Ek chadar zainab ki) x2 Ik sina akbar ka.

20

wow, some good nohay. keep em coming. i know my ones are kinda old, but i prefer them to the more recent ones for some reason.

this one is about bibi sakina, Imam Hussain's youngest beloved daughter. she passed away in the dungeon in syria during captivity, and is buried there.

Mereh doaast mereh seneh me mar jati hai
Dekheh iss qaid seh, kab milti hai rukhsat amma
Hai zinadan e shaam, Hai zinadan e shaam…

Bekasi kaisi hai ye kaisi hai ghurbat amma (* 2)
kia baneh gi isi zindaan meh turbat amma
kehna baba seh khudahafiz oh nasir baba
roh keh ab hoti hou zindaan seh rukhsat amma.

Hai zinadan e shaam, Hai zinadan e shaam...

ab to din meh bhi ujaalou seh mulakaat nahi
jo taRap ker na guzaari wo koi raat nahi
kiya karou jee keh, chacha mereh, mere saath nahi,
jo dua khatm ho ab jaldi museebat amma.

Hai zinadan e shaam, Hai zinadan e shaam...

afser e sham parindouN peh nazar jaati hai,
kaiseh makhlooq hai uRtheh huwe ghar jaati hai,
meri doaast mereh seneh meh mar jaati hai,
dekeh is quaid seh kab milti hai rukhsat amma

Hai zinadan e shaam, Hai zinadan e shaam...

inhi kapRoh ko aye amma bana deh la kafan
hou nahi sakteh yeh tapti, ke zakhmi hai badan
baba aa jaye to keh dena unhe mera sukhan
apneh babab ki na ker payi meh khidmat amma

Hai zinadan e shaam, Hai zinadan e shaam...

mere baba ka wo sena meri amma laa dou
jo tha jeneh ka karena meri amma la dou
jo sahara meh sakina, meri amma la dou
is seh pehle ke ho ab maut seh qurbat amma

Hai zinadan e shaam, Hai zinadan e shaam...

ho sakeh to ali asghar ka wo jhoola la do
amma bhayya ka mereh mujh ko shanukah la do
wo jo taweez tha mannat ka khudara la do
mujh ko phir marneh meh hoye gi na dikkat amma

Hai zinadan e shaam, Hai zinadan e shaam...

Keh jawoo Khudahafiz oh nasir amma
bas nahi deti baali sakina ki zubaan
keh do zalim ke be kahtm hui ah o pukaar
ah kerneh ki bhi baaki nahi taakat amma

Hai zinadan e shaam, Hai zinadan e shaam...

Lab sarwer pe jo rehan ka noha aya
Sham e zindaan se aane lagi ah o pukar
Jaise bachi ka koi zakhm huwa phir taza
Bole kiyu karte aai ahle azaa dikkat amma...

Hai zinadan e shaam, Hai zinadan e shaam...