Apni Bikhri hui kaliyon ka mujhay ranj nahi
Is ka gham hai ke tere phoolon mai khushbu hai na rang
Tere umday huwe sawan pay hain pat jhar ke nishaan
Tere sindur say wabasta nahin teri umang
Dil ke rishton ki taharat se buhat nazuk thee’n
Tere ma baap ke nazdeek muqadas rasmai’n
Hum mazahib na thay duniya ke dikhaway ke liye
Mera a’lan-e-muhabat, Teri be-bas qasmein
Barhaman parhte rahay purane ashlok
Wayd ne bos-a-takmel-e-dar-o-bam liya
Mai ne us waqt teri aakhri hichki sun kar
chekhna chaha, gham ne magar gala tham liya
sel-e-nagmat mai matrab ko pata bhi na chala
kitni aahain thi’n jo naghmo’n ke liye ghutti rahi’n
Bik gaya teri jawani ka her ik khawab magar
Dholki bijti rahi’n, phul jariyan chut ti rahin
Apni bikhri hui kaliyon ka mujhay ranj nahi
souchta houn ke teri rooh pay magar kya beet gayi
Rasm-o-mazhab to bari cheez nahi thay lekin
Sab say oonchi thi jo boli wo tujhay jeet gayi
UsMAN & 1534