Aadh shab ki khaamshi mein
ChooRiyoN ki khankhanaahaT
Aur ik dooje mein gum hoti
Gulaab o motiye ki aur mehndi ki
Mehekti jagmagaahaT
MotiyoN se aur taaroN se muzayyan
Surkh resham ki bikharti dheemi dheemi sarsaraahaT
Narm halki raushni phailaane waali muskuraahaT
Dheere dheere se guzarte waqt ki be-naam aahaT
Be-nava wa’doN se aage
Lams ki,
Chashm-e-khumaar-aalood ki be-lafz baatein
Jannat-e-arsh-e-bareeN k
Be-tahaasha aa’inoN mein
Eik aa’ine k aks-e-be-baha ka sarsari partau ye manzar
RaahatoN ka, aarzuoN ka ye mehvar
Aaj shab hai
Phir nahi hoga
So is se qabl k jaate huey lamhe
KaheeN is eik shab ko bhi sahar kar lein
Chalo is ko amar kar lein !
Hmmm…Kya kehna hey Zamil sahab:k: Parveen Shakir ka touch bohat numaayaaN hey is nazm meiN. Manzar-kashi meiN khoob rang bharey heiN aap ney :k: Bohat umda poem hey, yaqeenan kai log isey note kareiN ge apni diaries meiN Thanx for sharing it with us Zamil
BaRi nawaazish janab, touch ka to pata nahi coz meri nazar se Parveen g ki aaisi koi nazm nahi guzri aur reh gaya andaz-e-bayaN to abhi tak hamaara koi andaaz hi waza nahi ho saka so har paRhne wala apne hi andaaz se dekhta hai. Ab aaisi kuch khaas bhi nahi k diaries mein note hone waali ho Asal mein kuch logon ko aaitraaz ho raha tha k main sirf ghamgeen poetry hi likhta rehta huN so un k aaitraaz ka jawaab tha ye
**Koi baat nahi janab, lekin agar aap ghaur karein to aakhri line mein hi main ne wo sab “an-kahi” keh d hai, wo baat bhi jo aap ne apni “line” mein kahi aur wo sab bhi jo kabhi kaha nahi jata **
Thanx for sharing it with us Zamil 
**
, itne din baad achaanak…hmmm