Akela kamra,
Jahaan khamoshi thi aur wo tha
Wo aankh moonde bhi to andhera
Jo aankh khole bhi to andhera
Ajab khamoshi, ajab andhera
Wo jis ka aadi kabhi nahi tha
Wo ek larrka
Jo ab bhi bachpan ki sarhadon mein
Bhattak raha tha
Akele kamre mein wo bechaara
Laraz raha tha
Tamaam kamra, tamaam cheezein
Ye lag raha tha k ajnabi hain
Syaah shab ne phir apna jaadu
Wahaan k manzar pe aazmaaya,
Jo ek parda
Hawa se khirrki pe lehlahaata raha tha
Us ne
Bas ek dam se hi roop badla
Aur ek bhutne ka roop dhaara
Usey laga k
Wo us ki jaanib lapak raha hai,
Wo ek pauda
Jo bas wahaan par
Mehez sajaawatt k waaste tha
Usey laga k
Us ek pauday ne
Apni shaakhon ko
Us ki jaanib barrha dia hai
K jaise us ko
Wo apni shaakhon mein baandh le ga,
Hawa ki halki c sarsaraahatt
Usey laga yoon
K chupke chupke se koi
Kamre mein chal raha hai
Ab us ki aankhon mein
Shab ki dehshat thi, be-basi thi
Akele kamre mein wo bechaara
Laraz raha tha
Bil-aakhir us ne panaah dhoondi
Wo is tarah se k
Sar se pa tak lehaaf taana
To us ki dhaaras bandhi zara c
Magar ye kya k
Lehaaf mein bhi
Khayaal us ka bohot c shaklein
Bana raha tha, dara raha tha
Wo be-khabar tha
K aaj us ka
Ye khauf saara
To us k wehmon ki daastaa(n) hai
Andhera kamra,
Gharri ki tik tik, hawa ki sar sar
Talism shab ka urooj par tha
Bechaara shab bhar wo so na paaya
Bil-aakhir aaya
Payaam subho ki raushni ka
K raat bhar ki
Tamaam baaton ko yaad kar k
Ab us ne kamre ko phir se dekha
Wo raat jaisa to ab nahi tha
K thorra thorra
Wo dil hi dil mein
Bechaara naadim sa ho raha tha
Wo kis se kehta !
Wo kya bataata
K raat kamre mein kya hua tha !
Wo kya dikhaata !
K ab to kamra bhi raat jaisa
Nahi raha tha
Ajeeb sochon mein uljha uljha
Barri khamoshi k saath uttha
Aur apne kamre se
Sar jhukaye nikal gaya wo.
[RIGHT]written in Nov’2000[/RIGHT]
Sannan Nazm long hey issliye khof aa raha hay ya bhoot :p
Zamil very Nice poem, aik khauf ki jo akaasi ki hay parh kar waqei khof ... well next time uss sey kahna aesey time pe Allah ko yaad karey na kah Lahaf mein moonh dey baethey;-) anyway Nice to c you back with poem:-) kuch new nahin likha ? i want to read :-)
Mujh Naqis Ki Rai Main, Yeh Nazm Aapki (JO Kuch Main Ne Parha) Nazmon Main Sab Se Koobsurat Nazm Hai....Kiya Rawaani Hai.... Kaisa Tasalsul Hai.....Kiya Samaan Hia... Aapne To Band Kar Baitha Diya, Iss Massoom Aur Kaamyaab Nazm Par Dil Kholkar Daad Deni Chaiye. Bachhe Ka Khauf Aur Masoomiyat Ka Izhaar, donon bohat Ahsan Tareqe Se Hua Hai. **
**TUM SALAAMAT RAHO HAZAAR BARAS.... HAR BARAS KE HON DIN PACHAS HAZAAR ......
Mujh Naqis Ki Rai Main, Yeh Nazm Aapki (JO Kuch Main Ne Parha) Nazmon Main Sab Se Koobsurat Nazm Hai....Kiya Rawaani Hai.... Kaisa Tasalsul Hai.....Kiya Samaan Hia... Aapne To Band Kar Baitha Diya, Iss Massoom Aur Kaamyaab Nazm Par Dil Kholkar Daad Deni Chaiye. Bachhe Ka Khauf Aur Masoomiyat Ka Izhaar, donon bohat Ahsan Tareqe Se Hua Hai. **
**TUM SALAAMAT RAHO HAZAAR BARAS.... HAR BARAS KE HON DIN PACHAS HAZAAR ......
Darwesh.
Is dua o sataaish k liye bohat shukr-guzaar hun janab...:) **
**Asal mein apni saari achi achi poetry to kitaab k chakkar mein abhi tak chupa chupa k rakhi hui hai yahan post nahi ki... Ye nazm apni rawani ki waja se hi mujhe bhi pasand hai so share kar li.
**
**
**
**