** Kehne ko wo pehli chaahat thi
Wo jis mein junoo(n) tha, shiddat thi
Paakeeza thi, anmol thi wo
Khaabon k jahaa(n) ki ulfat thi
Mehboob ko bhi ma’loom na tha
Aaisi khaamosh mohabbat thi
Khaamosh rahi be-kaar hui
Na jeet hui na haar hui
Phir waqt ne apni chaal chali
Wo furqat se do-chaar hui
Kaisi khaamosh mohabbat thi
Gulzaar se phir wo khaar hui
Furqat se junoo(n) mein aag lagi
Is dil k sukoo(n) mein aag lagi
Ashkon ki larri aankhon se bandhi
Is jism k khoo(n) mein aag lagi
Phir waqt ne apni chaal chali
Dil se wo khumaar-e-preet gaya
Honton se wafa ka geet gaya
Kehne ko wo pehli chaahat thi
Us ka bhi zamaana beet gaya
Hijraa(n) ki shabon se larr larr kar
Dil haar gaya, gham jeet gaya .
*************** (poet: Zamil)
[RIGHT]**(written in Nov’1999)[/RIGHT]
**
Very nice Zamil. Dil ko choo jaaney waali tehreer hey:k: Thanx for shaing
Ye nazm parh kar apni aek nazm yaad aa gai. Lag-bhag isi qisam ke peyraaey meiN kahi gai thi:
**
AankhoN meiN leeye chaahat ke phool
baatoN meiN leeye lagaawat ke phool
mehboob ke paas hi rehtey heiN
jazbaat magar kabhi lafzoN meiN
dhal kar zubaaN tak nahi aatey
dil meiN basi umangoN ke rang
ubhar ke nigaah tak nahi aatey
ik khaab sajaaey aaNkhoN meiN
aaNkhey kholtey dartey heiN
ab tak kuch log is dunya meiN
chup chup ke mohabbat kartey heiN!**
Bohat navaazish Amal G! ------------------------------------------- "ik khaab sajaaey aaNkhoN meiN
aaNkhey kholtey dartey heiN (sugestion:Ye aankhein kholte darte hain*)* ab tak kuch log is dunya meiN
chup chup ke mohabbat kartey heiN! "
----------Beautiful n innocent wording Amal Lala! :-))
Aadaab arz hain H-H !!
Aur Darwesh g paainda baad. Aap wohi hain na jin ki muskuraahaton ka tazkira Janaab "Saaghar Siddiqi" kia karte they;
"Chaman pe daam pe darwesh muskuraata hai
Har ik maqaam pe darwesh muskuraata hai"
((((((((((((:-)
