kis qayamat ka tabassum ha tery hontoon per
isti.aaroon mein bhataktay hain khiyalat mery
mein key her saans ko aik shair bana sakta hoon
nazam honay ko pareeshaan hain jazbaat mery
aankh jamti naheen lehratay howay qadmoon per
kisi naghmay ka talatum ha kay raftar teri
raqs angraiyaan leeta ha teri bahoon meon
heerat aasar ha kyoun chasm -i- fasoon bar teri
dekhtay dekhtay bherpoor jawani ki hiya
teri bebaaq nighahoon mein sama jaye gi
perda -i- chasm say jhijhak ker nuklain gi nazrein
zulf derti howi rukhsar pay lehrai gi
jism her gaam pay lagzish ka ishara pa ker
jaam i labrez ki manand chalak jaye ga
reshmi reshmi zulfoon say phisalta aanchal
kabhi shanoon say kabhi ser say dhalak jaye ga
