"nahiiN haiN is meN..."

Arts & Culture Poetry ( Intikhaab & Sho'ra-e-Gupshup)
1

aadaab dosto!

ek taazaa Ghazal pesh-e-Khidmat hai. mulaahizaa farmaaiye aur apnii raae se navaaziye.

**Ghazal

nahiiN haiN is meN pech-o-Kham ziyaadaa
bayaaN apnaa hai, yaaro, seedhaa saadaa

makaaN ki vus’ateN tasleem, lekin
karo seene ko bhii apne kushaadaa

ye kaisii saaqiyaa, mehmaaN-navaazii?
na saaGhar hai,na Khum hii hai, na baadaa’

vafaa ke tajraboN se kuchh sabaq lo
karo maazii se haasil istifaadaa

na heere haiN, na motii, bas ye dil hai
maiN is jaageer kaa huuN shaahzaadaa

kahaa thaa, tez dhaaroN par na chalnaa!
huyii lakRii se tuu aaKhir, buraadaa

dar-e-jaanaaN huaa hai band tum par
kahaaN marne kaa ‘Waseem’, hai iraadaa?

Waseem Ahmed**

2

*na heere haiN, na motii, bas ye dil hai
maiN is jaageer kaa huuN shaahzaadaa

kahaa thaa, tez dhaaroN par na chalnaa!
huyii lakRii se tuu aaKhir, buraadaa *

bohut khob .. :k: ..

3

Each and every word is well said

Khush rahoo

4

eik achhi ghazal pe dheroN daad kubul kijiye Waseem Bhai.

5

boht khoob Dost jee :flower1:

thx for sharin :slight_smile:

6

**Ghazal,Dilsay Bhai,Pramod Bhai and HH **Jee Ghazal pasand farmaane kaa bahut bahut shukriya ! :flower1:

7

beautifully written Waseem :)

8

beautiful :flower1:

9

Thanx Minerva Jee and BV :flower1:

10

Nice!:flower1: :flower2:

11

Thanx :slight_smile: