Aankhein mujhe talvon se wo malne nahi dete
armaan mere dil ka nikalne nahi dete
kis naaz se kehte hain wo jhunjhlaa ke shab-e-vasl
tum tu hamein karvat bhi badalne nahi dete
parwanon ne fanoos ko dekha tu ye bole
kyun ham ko jalaate ho ki jalne nahi dete
hairan hoon kis tarha karoon arz-e-tamanna
dushman ko tu pahloo se wo talne nahi dete
dil wo hai ki faryaad se lab_rez hai her waqt
ham wo hain ki kuch muuh se nikalne nahi dete
By : Akber Allahabadi