Khud ko tere miyaar se ghat ker nahi dekha
jo chor gaya usko palat ker nahi dekha
meri tarah tuney shab-e-hijraan nahi kaati
meri tarah is tegh pe kat ker nahi dekha
tu dashna-e-nafrat hi ko lehrata raha hai
tuney kabhi dushman se lipat ker nahi dekha
they koocha-e-jaanaan se parey bhi kayi manzar
dil ne kabhi iss raah se hat ker nahi dekha
ab yaad nahi mujhko ‘faraz’ apna bhi paikar
jis roz se bikhra hoon simat ker nahi dekha!
Kitab: Nabeena sheher mein aayeena, Safha no. 75