nahen ke milane milaane kaa silsilaa rakhana
kisi bhe satah pe koe tu raabtaa rakhana
madad ke tum se tavaqqo to Khair kyaa hoge
Gareeb-e-shahar-e-sitam houn, meraa pataa rakhanaa
marainge aur hamaare sivaa bhe tum pe bahut
ye jurm hai to phir is jurm ke sazaa rakhanaa
naye safar pe ravaanaa huaa hai az-sar-e-nau
jab aaonga to meraa naam bhe nayaa rakhanaa
hisaar-e-shauq uthana ‘Zafar’ zaroor magar
kisi taraf se nikalane ka raastaa rakhanaa
- By Zafar Iqbal *
..
