Tu aseer-e-bazm hai hum sukhan, tujhe zauq-e-naala-e-nai naheeN,
tira dil gudaaz ho kis tarah, yeh tire mizaaj ki lai naheeN.
tira har kamaal hai zaahiri, tira har khayaal hai sarsari,
koi dil ki baat karuN to kya, tire dil meiN aag to hai naheeN
jise sun ke ruh mahek uThe, jise pi ke dard chehek uThe,
tire saaz meiN woh sada naheeN, tire maikade meiN woh mai naheeN
kahaaN ab woh mausam-e-rang-o-boo, ke ragoN meiN bol uThe lahu,
yooNhi naagawaar chubhan si hai, ke jo shaamil-e-rug-o-pai naheeN
tira dil ho dard se aashnaa, to ye naala ghaur se sun zaraa,
bara jaan gusal hai yeh waaqiaa, yeh fasaana-e-jam-o-kai naheeN
maiN huN aek shaa’ir-e-be nawaa, mujhe kaun chaahe mere siwaa,
maiN ameer-e-shaam-o-Ajam naheeN, maiN kabir-e-Kufa-o-rai naheeN
yehi sher haiN meri sultanat, isi fun meiN hai mujhe aafi’at,
mire kasa-e-shab-o-roz meiN, tire kaam ki koi sheh naheeN
ek aur accha shair.!!!!
Wah…! 
thanx GS, nishan 4 liking