"Naheen Jaati"

Precious_Khan · October 19, 2005, 11:04am

**Aankhoon say mairay is liyay laali naheen jaati
Yadoon say koi raat jo khaali naheen jaati

Ab umer,na mausam,na woh rastay k woh paltay
Is dil ki magar khaam khayali naheen jaati

Maangay to agar jaan bhi hans kar tujhay daydain
Teree to koi baat bhee taali naheen jaati

Aey koi aakar teray hee dard sambhalay
Hum say to yeh jaageer sambhali naheen jaati

Maaloom humain bhee hain teray buhat say qissay
Per baat teree hum say uchaalee naheen jaati

Humrah teray phool khilaati thee jo dil main
Ab shaam wahee dard say khaali naheen jaati

Hum jaan say jaingay tabhee baat banaygee
TUM say to koi raah nikali naheen jaati…:)**

nakhan · October 19, 2005, 11:16am

Re: "Naheen Jaati"

Maangay to agar jaan bhi hans kar tujhay daydain
Teree to koi baat bhee taali naheen jaati

Hum jaan say jaingay tabhee baat banaygee
TUM say to koi raah nikali naheen jaati...

Zabardast...!!!

nakhan · October 19, 2005, 11:20am

Re: "Naheen Jaati"

abhi kuch din pehlay yaheen parha tha aik shair
wo share karnay ka dil chah raha hay

Jo poochta hay koi, surukh kiyon hain aaj aankhain
Aankh mal kay kehta hoon, raat so na saka
Hazar chahoon magar ye na keh sakoon ga kabhi
Raat ronay ki khawahish thi magar roo na saka

:(

saroo · October 19, 2005, 11:57am

Re: "Naheen Jaati"

Bohat achhay bhai bihat achhay...........dono khanoon nay kamal kar dya bhai...........mehfil main phir aaa gaya hoon main aur arz kya hay

*jab teraa hukm milaa tark muhabbat kar dii *
*dil magar is pe vo dharaka ke qayaamat kar dii *

*tujh se kis tarah main izhaar e tamannaa karataa *
*lafz suujhaa to maanii ne bagaavat kar dii *

*main to samajhaa thaa ki laut aate hain jaane vaale *
*tuune jaakar to judaai merii qismat kar dii *

*mujh ko dushman ke iraadon pe bhii pyaar aataa hai *
*terii ulfat ne muhabbat merii aadat kar dii *

*puuchh baithaa huunN main tujh se tere kuuche kaa pataa *
*terii haalat ne kaisii terii surat kar dii *

Princess_Fiona · October 20, 2005, 1:41am

Re: "Naheen Jaati"

wow really beautiful PK dear :)
and "sara howa" really nice :)

Golden_Scorpion_1 · October 20, 2005, 5:05am

Re: “Naheen Jaati”

Wah… Beautiful… Tnx Precious, nakhan n Saroo… These are Beautiful

Precious_Khan · October 20, 2005, 11:08am

Re: “Naheen Jaati”

thanx alot nakhan,saroo GS rora:)

zabardast nakhan,:k:

wah janab aao k kiya kahnay saroo ji :k:.

Precious_Khan · October 20, 2005, 11:09am

Re: “Naheen Jaati”

thanx alot atto dear

ghazel_rizvi · October 27, 2005, 8:25am

Re: "Naheen Jaati"

good lala both both both both he achey

Precious_Khan · October 27, 2005, 11:46am

Re: “Naheen Jaati”

thanx alot…lagta hay buhat dino k baad GS per aaen hain hain aap:)