Re: NaGhma-e-sabaa…valid marHoom kii nazm…MUST READ!
**shukria…it means a lot to me…unka daur hii alag thaa…unke ustaad AsGhar Husain “AsGhar” GonDvii the jo Jigar Muradabadii ke bhii ustaad the. mere gaaoN meN Abba ke ek aur dost the jo bahooot zabardast shaa’ir the magar in logoN ne apne mazhabii rujHaan kii vajah se shohrat ko kabhii tarjeeH nahiiN dii…Jigar Moradabadi, Firaq Gorakhpuri, AsGhar GonDvii, Sir Tej Bahadur sapru, Rashid Ahmad Siddiqui, Aal e Ahmad “suroor”, Moin Ahsan “Jazbi” aur bhii na jaane kitne us daur ke sho’aaraa kaa saath thaa magar kabhii apne gaaoN se baahar mushaa’iroN meN nahiiN gaye.
maiN Abba ke dost, Tufail Ahmad Shamimi, kaa kalaam jald iA pesh karuuNgaa taa k aapko unkii shaa’irii kaa bhii andaazah ho 
shukria pasandeedgii ke liye :)**