**
**
LAU LAAK LAMA (Part-1)
Meri majaal! Keh mein tujh ko “Aftab” kahooN?
**
**
**
**
Keh aftab ki jalwa garee zawal naseeb
**Keh aftaab, “Izash-shamsu-Kuwwerat” ka naqeeb
Keh aftab ko daagh-e-gehen ki ma’zuri
**Terey jamal ko “Noor-un-Alaa” ki manzuri
Keh aftab, tulu’-o-ghurub ka paaband
Tera jamal, tasalsul pazeer, riffa’t mand
Keh aftab, hijabaat-e-abr se teera
Terey jamal se khud aftab hai kheera
Tu aftab nahi, aftab saaz hai tu
Jahaan-e-Arz-o-Sama mein Khuda ka raz hai tu
Us ek shakhs ko, jo “Yaar-e-ghaar” tha tera
Bana dya teri suhbat ne “Sani-ul-Asnain”
Us ek shakhs ko, jo tera “Dushman-e-Jan” tha
Bana dya teri ulfat ne “Khadim-ul-Haramain”
Us ek shakhs ko jo “Shaaghil-e-Tijarat” tha
Bana dya teri qurbat ne “Shama-e-Zunnoorain”
Us ek tifl ko jo teri tarbiyat mein tha
Bana dya teri shafqat ne “Waalid-e-Hasanain”
Teri nigah se har zarra aftab bana
Bana jo tera, do-aalam mein intekhab bana
**Tu aftab nahi, aftab saaz hai tu<o></o>**
Jahaan-e-Arz-o-Sama mein Khuda ka raaz hai tu
(Dr. Rahat Alam)
PS: Dr. Rahat Alam is one of my great mentors. I owe him my orientation on Tasawwuf. May Allah give him a long, happy and healthy life. The above Naa’t has been selected from his original works. More will come, Insha-Allah.
