na wo hum say kum, na hum un say kum,

Arts & Culture Poetry ( Intikhaab & Sho'ra-e-Gupshup)
1

wo nazar sey door tu hain magar ye ajeeb surat-e haal hai
huma waqt paish-e nazar bhi hain, na firaaq hay na visaal hai

na wo hum say kum, na hum un say kum, wo udher khafa, hum idher khafa
na unhain humara khayyal hay, na humain demaagh-e sawal hai

yehi qurbatain, yehi fasley tu kholoos-e ishq ki jaan hain
kabhi gard-e ranj-o malaal hay, kabhi fikr-e pursish-e haal hai

ye tumhaari talkh nawaiyaan koi aur seh k dikha tu day
ye jo tum main mujh main nibah hay, merey hoslay ka kamal hai

mujhay is ka koi bhi ghum nahi k kisi nay mujh sey wafa na ki
main kisi k kaam na aa saka mujhe sirf is ka malal hai

jo guzar rahi hay guzaar do, na bura kaho, na gila karo
jo tumhara haal hay dostoon, wohi saarey shehr ka haal hai

main kahan sey laoon wo roshni jo kisi k shehr main lut gayi
wo kisi ka shehr bhi lut gaya, mujhe is ka aur malaal hai

terey mashwarey k kholoos per mujhe tark-e ishq qobool hai
magar aik baat hay hum-nasheen, meri zindagi ka sawaal hai

2

Re: na wo hum say kum, na hum un say kum,

na wo hum say kum, na hum un say kum, wo udher khafa, hum idher khafa
na unhain humara khayyal hay, na humain demaagh-e sawal hai

:k:

Kuch to tere mosam hi mujhe kam raas aae
Kuch meri mitti main baghawat bhi boht thi

3

Re: na wo hum say kum, na hum un say kum,

ye tumhaari talkh nawaiyaan koi aur seh k dikha tu day

Boht he alaaaaaaaaa..........

4

Re: na wo hum say kum, na hum un say kum,

na wo hum say kum, na hum un say kum, wo udher khafa, hum idher khafa
na unhain humara khayyal hay, na humain demaagh-e sawal hai

v nice sharing.......

Wohi manzalen, Wohi raste, Wohi qurbaten, Wohi faslae
Per apne apne makam per, Kabhi hum nahi, Kabhi tum nahi

5

Re: na wo hum say kum, na hum un say kum,

Nice Sharing......

6

Re: na wo hum say kum, na hum un say kum,

mujhay is ka koi bhi ghum nahi k kisi nay mujh sey wafa na ki
main kisi k kaam na aa saka mujhe sirf is ka malal hai
beautiful :k: