****Aasman Se Inayatein
Na Tujhe Mileen Na Mujhe Mileen
Muhabbaton Se Rahatein
Na Tujhe Mileen Na Mujhe Mileen
Humein Aashiqi Mein Sach Mila
Humein Zindagi Mein Sab Mila
Magar Be Wafai Ki Adatein
Na Tujhe Mileen Na Mujhe Mileen
Udher Tu Dua Mein Laga Raha
Idher Mein Dua Mein Laga Raha
Par Mannaton Se Haajatein
Na Tujhe Mileen Na Mujhe Mileen
Thi Aarzoo Kabhi Sahilon Pe
Tere Sath Sath Hum Chal Saken
Par Samandaron Se Ijazatein
Na Tujhe Mileen Na Mujhe Mileen
Jis Zindagi Ki Khwahishon Mein
So Rat Jagon Mein Sajood Kiye
Uss Zindagi Ki Bashartein
Na Tujhe Mileen Na Mujhe Mileen
Hasraton k Diyon Ko Aag
Kabhi Tu Ne Di Kabhi Main Ne Di
Magar Roshnee Ki Alaamtein
Na Tujhe Mileen Na Mujhe Mileen
Na To Tere Dard Rukey Kahin
Na Mere Zakhm Bharey Kabhi
Sabr-o-Shukar Ki Haalatein
Na Tujhe Mileen Na Mujhe Mileen
Teri Manzilen Kahin Aur Thin
Meri Manzilen Kahin Aur Thin
Kisi Aik Simt Ki Musafatein
Na Tujhe Mileen Na Mujhe Mileen
Tu Thehar Gaya Kisi Aur k Ghar
Main Ruk Gaya Kisi Aur k Dar
Mann Pasand Si Chahtein
Na Tujhe Mileen Na Mujhe Mileen
Hamari Pur Khuloos Niyaaton Se
Manzilein Kiun Chinn Gayin
Muqadaron Se Wazahatein
Na Tujhe Mileen Na Mujhe Mileen…
Tareef with lekin…