**Assalamu Alaikum wr wb
Na Sma’aton main Tapish ghulay, Na nazar ko waqf-e-Azab ker
Jo sunayii day usay chupp sikha, Jo dikhayii day usay khuab ker
Abhi Muntashir na ho Ajnabi, Na Wisal rutt ke karam jita
Jo Teri talash main gum howay, Kabhi un dinon ka hisab ker
Meray Sabrr per koi Ajrr kia, Meri dopeher pe ye Abrr kiun?
Mujhay orhnay day Azziyatain, Meri Aadtain na kharab ker
Kahin aablon ke bhanwarr bajain, Kahin dhoop roop badan sajain
Kabhi Dil ko thall ka mizaaj day, Kabhi Cham-e-Tar ko chanab ker
Ye hujum-e-Sheher-e-Sitam garan, Na sunay ga Teri Sadaa kabhi
Meri Hasraton ko Sukhan suna, Meri khuahishon say khitab ker
(Mohsin Naqvi)
