Assalam Everyone and Happy New Year! Hope everyone is well. Thank you to those who have emailed or pm-ed me wondering where I am. I am still alive 
and ok. Just a bit caught up with life. But I have not forgotten my wonderful friends from here. Aap sab mujhe duaon mei yaad rakhein please.
mujhe apne zapt pe naaz tha, sar-e-bazm raat ye kya huwa
meri aankh kaese chhalak gayee, mujhe ranj hei ke bura huwa
meri zindagi ke charaagh ka ye mijaaz koi naya nahi
abhi roshni abhi teergi, na jala huwa na bujha huwa
mujhe jo bhi dushman-e-jaa mila, wohi pukhta kaar-e-jafa mila
na kisi ki zarb ghalat padee na kisi ka teer khata huwa
mujhe aap kyun na samajh sake kabhi apne dil se bhi pucheye
meri dastaan-e-hayat ka toh waraq waraq hei khula huwa
jo nazar bacha ke guzar gayein mere samney se abhi abhi
ye mere hi shehr ke log theyn, mere ghar se ghar hei mila huwa
humein is ka koi bhi haq nahi ke shareek-e-bazm-e-khuloos hon
na hamare paas naqaab hei na kuch aastee’n mei chhupa huwa
mujhe ik gali mein pada huwa kisi badnaseeb ka khat mila
kaheen khoon-e-dil se likha huwa, kahin ansuuon se mita huwa
mujhe humsafar bhi mila koi tu shikasta haal meri tarha
kayee manzilon ka thaka huwa,kaheen raaste mein luta huwa
hame apne ghar se chaley huwe, sar-e-raah umr guzar gayee
koi justujuu ka sila mila, na safar ka haq hi adaa huwa
for u
**