Adab,
aik ghazal pesha kar rahe houn. umeed hai aap sabko pasand aayegi. :queen:
Haadsey huye kitney mere saath na pooch,
Mustakil ruswa huye mere jazbaat na pooch.
Jo mera tha usey kisi aur ke naam wassiyat karkey,
Kaisey saunpa qassid ko kaagzaat na pooch.
Meri khamoshi ko tu mera jawab samajh,
Issey aagey mujhsey koi sawalaat na pooch.
Waaqif hain saarey is jahan ki haqeeqat se,
Kya hai indino duniya ke haalaat na pooch.
Anzam-e-ishq to sabhi dekhtey hain magar,
Hoti hai kahan se iski shuruaat na pooch.
Hum hain juda par jisney mujhey sambhala hai,
Mujhsey apni un yaadon ki tu aukaat na pooch.
Mainey insaan ko bhi khuda bantey dekha tha,
Kaisey tootey in aankhon ke tilismaat na pooch.
Jo ghari khwab ki tere intezar me beetey,
kitney naayab they mere vo lamhaat na pooch.
Nayab
4
Bohot khoob Sonia jee...:)
Sohaib
8
ach ihai not bad.. :)
mubarak ho
shukarya friends
Hear 1 more i hope you guys like this one too:)
Ho Jaaye.......
Ab Chaahe Gire Bijli Hum Par, Ab Chaahe Qayamat Ho Jaaye
Hai Ishq To Ishq Hi Rahne Do, Kyon Ishq Ibaadat Ho Jaaye
Ab Saans Yeh Thamne Se Pehle, Ab Jaan Yeh Nikalne Se Pehle
Hai Ek Tamanna Seene Mein, Bas Tum Se Mohabbat Ho Jaaye
Mumkin Hai Mera Deewanapan Kuch Kaam Mere Hi Aa Jaaye
Mumkin Hai Meri Duniyaa Ek Din Tere Pyar Se Jannat Ho Jaaye
Jeene Ki Tamanna Hai Thodi, Marne Ki Bhi Hai Khwahish Thodi
Parwaah Nahin Ab Ishq Khushee Ya Koyee Museebat Ho Jaaye
Dekhi Hai Nigaahen Jhukti Huvi Naakaam Wafaaon Ko Le Kar
Uth Jaao Zaraa, Kuch Yoon Kar Lo, Ab Door Nadaamat Ho Jaaye
Kashti Ko Kinaaron Se "Khurram" Toofaan-e-Ishq Mein Laaya Hoon
Gum, Chaahe Kahin In Maojon Mein Ab Meri Haqeeqat Ho Jaaye –
Written by Manzoor(Khurram)
Mainey insaan ko bhi khuda bantey dekha tha,
Kaisey tootey in aankhon ke tilismaat na pooch.
very nice:)