na kisii kii aa.Nkh kaa nuur huu.N na kisii ke dil kaa qaraar huu.N

Arts & Culture Poetry ( Intikhaab & Sho'ra-e-Gupshup)
1

na kisii kii aa.Nkh kaa nuur huu.N na kisii ke dil kaa qaraar huu.N
jo kisii ke kaam na aa sake mai.n vo ek musht-e-Gubaar huu.N

na to mai.n kisii kaa habiib huu.N na to mai.n kisii kaa raqiib huu.N
jo biga.D gayaa vo nasiib huu.N jo uja.D gayaa vo dayaar huu.N

meraa rang-ruup biga.D gayaa meraa yaar mujh se bichha.D gayaa
jo chaman fizaa.N me.n uja.D gayaa mai.n usii kii fasl-e-bahaar huu.N

paye faatehaa ko_ii aaye kyuu.N ko_ii chaar phuul cha.Daaye kyuu.N
ko_ii aake shammaa jalaaye kyuu.N mai.n vo bekasii kaa mazaar huu.N

mai.n nahii.n huu.N naGmaa-e-jaa.N_fishaa.N mujhe sun ke ko_ii karegaa kyaa
mai.n ba.De barog kii huu.N sadaa main ba.De dukh kii pukaar huu.N

2

Nice to know that the poet of this wonderful poetry actually joined Gupshup with a nick Sheen :slight_smile:

Great stuff :flower2:

3

Bahadurshah Jafar kii es behtareen ghazal share karne ke liye aap ka bahot bahot shukriya ** SheeN *. Magar ye ghazal aap ko * Intikhaab ** section mein post karnii chaahiye thii..es section mein you should post your own creations....Creations of great poets should be shared in ** Intikhaab **.

4

Wow.. beautiful ghazal :k:

5

hummm khushi howi daikh kar Log **Sheen say Shikwa Shikayat **kar rahay hain :devil:

6

Nice Choice Sheen :)