***Na kar shumar ki har shai gini nahi jati
Ye zindagi hai hisaboN se ji nahi jati
Ye narm lahja rangini-e-bayaN ye khulush
Magar ladai toh aise ladi nahi jati
Sulagte din mein thi baahar badan mein shab ko rahi
Bichhad ke mujh se bas ik teergi nahi jati
Naqaab daal do jalte udaas suraj par
Andhere jism mein kyun roshi nahi jati
Har ek raah sulagte huye manaazir hain
Magar ye baat kisi se kahi nahi jaati
Machalte pani mein unchaai ki talaash fujul
Pahad par toh koi bhi nadi nahi jati
~ Fazal Tabish***