It’s just one of those days - I’m listening to Iqbal Bano singing Faraz… and the CD is on repeat-mode … still remember posting this in Poetry a few years back… couldn’t find it so here goes again:
Na hareef-e-jaaN… na shareek-e-ghamm
Shab-e-intezaar… koi tow ho
Kissey bazm-e-shauq mey laayeN humm…
Dil-e-beqaraar, koi tow ho
Kissey zindagi hai azeez abb!,
Kissey aarzoo-e-shab-e-tarabb
Magar aye nigar-e-wafa-talabb…
Teraa aitebaar, koi tow ho
KahiN taar-e-daaman-e-gul mileyN,
Tow yeh maan leyN key chamann khiley
Key nishaan fasl-e-bahaar kaa…
Sar-e-shaakhsaar, koi tow ho
Yeh udaas udaas sey baam-o-darr,
Yeh ujaardh ujaardh see rah-guzarr
Chalo humm nahiN, naa sahi magarr…
Sar-e-kuey yaar koi tow ho
Yeh sukoon-e-jaan ki ghari dhaley,
Tow charaagh-e-dil hee naa bujh chaley
Woh balaa sey so ghamm-e-ishq yaa…
Ghame-roosgaar, koi tow ho
Salaam** Umar ji**, purani aadteeN ab bhi naheen chhoti aap ki …bechari cd ab tak repeat-mode pe hi rehti he :~)
Ghazal ka keya kahiye, shayed aap ko yaad ho hum donooN ki mushtarka pasand rahi he yeh … buhat arsey say issey naheen parha our nah hi sunnaney ka mouqa mila so ab parhney ka apna hi eik lutf aya he…
aap ki post say puraney dinooN ki yaad taza ho gayi he..baqol Faiz
~Taza haiN abhi yaad mein aye saqi-e-gulfaam woh aks-e-rukh-e-yaar say mehkey howey ayyam woh phool si khilti howi didaar ki sa’at
**woh dil sa darhkta howa umeed ka hanggam… **
I’m glad you all liked it Its one of my favs from Faraz.
Rameesha jee, I’m still here - never left… never could leave even if I wanted to…
Zindagi key yeh lamhe aaj bhi wahiN kharey heiN
chandd ghariyoN pey waqtt jaisey rukk gaya ho
manzil key raastey mey yeh mordh aaj bhi sadaayeN detey heiN
Meraa aaj bhi wohi hai jo meraa kall thaa Kuch bhi tow nahi badlaa
Aaj bhi sub kuch wohi tow hai
Maloom naheen Umarji, kochh badla naheen ya phir hamari ruuh hi kissi gumshuda sa’aat mein khoo gayi he
**Waqt nay woh khaak urhai he keh dil kay dasht say **
**qafley guzrey hain phir bhi naqsh-e-paa koyi naheen **
**khud ko mehsoor kar baitha hoon apni zaat mein ** manzileen charooN taraf hain raasta koyi naheen
… still remember posting this in Poetry a few years back… couldn’t find it so here goes again:
