Asalam Alaikum Friends!
Yeh azaad nazm mairi zaati koshish hai…perh ke mujhe apnay true comments dijye …I would really appriciate that
Thanks 
Main janti hon maire humsafar!
Yeh rishta mairi hi janib se toora jae ga..
Tu kaise keh don voh batain jo maire dil main hain..
Kaise keh don ke…
Jazbaat ki shiddat se main bhi hon vaqif
Chahat ke eendhan main…
Din raat main bhi jalti hon
Yaad kerke taire baaton ko shab dhale..
Main bhi rooti hon…
Tairi qurbat, tairi rifaqat ki talab..
Main bhi rakhti hon…
Main janti hon dastaras se bahir hain …
Yeh jo chand lamhe hain chahat ke…
Verna maire humsafar!
Qaid ker laiti main inhain aanchal main…
Kabhi na bikharne ke liye
Saja laiti sare sapne apni aankhon main
Kabhi na juda hone ke liye
Hath apna de daiti taire hathon main…
Kabhi na churane ke liye..
Rakh daiti taire gulaab apni kitabon main…
kabhi na murjhane ke liye…
Magar…
Yeh lamhe yeh pal guzarte hi ja rahe hain…
Aur main sahil pe khari
Ashkbaar ankhon se muskura rahe hon…
Kuonke main janti hon…
Yeh rishta mairi hi jaanib se toora jae ga…
