**Yun hi hansi hansi mai
Hum dilon se khail jatay hain.
Koee chhoti si teekhi baat,
Koee chhubta hua jumla,
koee zehr alood lehja,
Koee bezarr si zomaa ni baat
Sun nay wale kay dil par ghao laga jati hai.
Phir kitnay hi talafi kay marham lagao
Qatra qatra khoon
Tapakta hi rehta hai.
Wo ansoo…
Jo ankh se girta hi nahi
Ander hi ander jam jata hai.
Barf peh giray mom kay qatray ki tarah
Aur wo barf to shayad
Waqt ki garmi se pighal jati hai
Magar wo qatra
Jab bhi pighalne lagta hai, phail jata hai
Barh jata hai bas khatam nahi hota
Aur
Yun hi hansi hansi mai
Hum dilon se khail jatay hain. **
nice **