kisii kalii ne bhii dekhaa na aa.Nkh bhar ke mujhe
guzar ga_ii jaras-e-gul udaas kar ke mujhe
[jaras-e-gul = ringing bell of the caravan of flowers]
(Alternatively, the sound of flowers blossoming)
mai.n so rahaa thaa kisii yaad ke shabistaa.N me.n
jagaa ke chho.D gaye qaafile sahar ke mujhe
[shabistaa.N = room where one sleeps (bedroom)]
[qaafile = caravans; sahar = dawn]
mai.n ro rahaa thaa muqaddar kii saKht raaho.n me.n
u.Daa ke le gayaa jaaduu terii nazar kaa mujhe
mai.n terii dard kii tuGiyaaniyo.n me.n Duub gayaa
pukaarate rahe taare ubhar ubhar ke mujhe
[tuGiyaaniyaa.N = floods/storms]
tere firaaq kii raate.n kabhii na bhuule.ngii
maze mile unhii.n raato.n me.n umr bhar ke mujhe
[firaaq = separation]
zaraa sii der Thaharane de ai Gam-e-duniyaa
bulaa rahaa hai ko_ii baam se utar ke mujhe
phir aaj aa_ii thii ik mauj-e-havaa-e-tarab
sunaa ga_ii hai fasaane idhar-udhar ke mujhe
Poet: Nasir Kazmi