~~My Collection~~

ajnabi_ladki · July 23, 2007, 4:05am

Salaam everyon1 Yahan mein appni favorite collection post karna chati hoon. umeed hai app sub ko pasand aye gi.
***Dil ke Sannatoun Main Rehnay Walay Tanha Tum He Nahi
Tanhaie Say Batain Kerney Walay Tanha Tum He Nahi

Is Ishq Nay Berbaad Kiya Hai her Shaks Ko,
Is Ishq Main Bikhernay Walay Tanha Tum he Nahi

Kehnay Ko To Faqat aik Dil He Tota Hai,
Apna Sub Kuch Lutanay Walay Tanha Tum He Nahi,

Hasntey Huway Chehrey Hain Yahan Sub K,
Dard Yun Chupanay Walay Tanha Tum He Nahi

Shab e Tanhaie Ki Dastaan Aik See Hai Sub ki
Andheroon Main Rehnay Walay Tanha Tum he Nahi

Aisa Lagta Hay Aik Saza Ho Zindagi Meri,
Is Qaid Main Rehnay Walay Tanha Tum He Nahi,

Is Sheher Main Aur Bhe Dewanay Hain
Dar Dar Bhatakney Walay Tanha Tum He Nahi…

being_lonely · July 23, 2007, 4:08am

Re: ~~My Collection~~

Most Welcome Kijiye Share Hum Kaunsa Aap Ko Mana Kar Rahe Hain

Hasntey Huway Chehrey Hain Yahan Sub K,
Dard Yun Chupanay Walay Tanha Tum He Nahi

Iss Ghazal Ka Sab Se Behtareen Shair Bohat Aala Starting Hai :k:

deep_ocean · July 23, 2007, 4:08am

Re: ~~My Collection~~

nice :k:

we are waiting

ajnabi_ladki · July 23, 2007, 4:10am

Re: ~~My Collection~~

sid- mana nahi kar rahe bas keh rahi hoon na lolz
deep_ocean- thx aur dun worry itna intezar nahi karna phare ga mein jaldi se post karti hoon :D

ajnabi_ladki · July 23, 2007, 4:13am

Re: ~~My Collection~~

***Najaney Kiyoon Mera Kajal

Jab Bhi Dalo Ankhon Main

Ab Akser Phail Jata Hai

Main Roi To Nahin Hoon......

Tum To Jantey Ho In Dino

Bohat Hi Thand Hoti Hai

Tab Hi Hai Surkh Meri Naak

Main Roi To Nahin Hoon......

Kaha To Hai Yunhi Buss

Bheega Hai Aanchal Ka Kona

Choro Tum Fiker Mat Karo

Main Roi To Nahin Hoon......

Nahin, Udaas Kab Hoon Main

Ziyada Kaam Kay Baies

Thakawat Ho Hi Jati Hai

Main Roi To Nahin Hoon......

Eid Aai Hai, Woh Ab Bhi

Nahin Aata To Na Aaye

Ab Us Ki Yaad Main Dekho

Main Roi To Nahin Hoon.....

Bata Dena Us Ko Ja Ker

Koi Khush-Fehmi Na Palley

Waisey Hi Surkh Hain Ankhin

Main Roi To Nahin Hoon.....

being_lonely · July 23, 2007, 4:16am

Re: ~~My Collection~~

Yeh Nazam Shayad Last Week Parhi Thi Mein Ne Achi Lagi thi So ab bhi achi he lagi hai :k:

ajnabi_ladki · July 23, 2007, 4:16am

Re: ~~My Collection~~

acha jii shukriya janab

being_lonely · July 23, 2007, 4:20am

Re: ~~My Collection~~

Shukriya itni jaldi nahi daitay yahan thori politics seeekhein

ajnabi_ladki · July 23, 2007, 4:24am

Re: ~~My Collection~~

lolzz acha? :P
***Toot kar chaha tha jisay wohi dhoka day jaye ga,
Bina kashti kay musafir kesay sahil tak aaye ga.

Sukhay patton ki tarah yun bikhar jaye gi zindagi apni,
Socha na tha yeah waqt humain is mor pa bhi laye ga.

Main ne chand ki tamana main,ginwa diye taaray bhi,
is oonchi udan main kahan maloom tha kah kafila hi **** jaye ga.

apni hi lagai aag main apna hi wajood jal jaye ga,
kis ko khabar thi yeah waqt bhi hum pa aye ga.

jub raigistan ki rait hi apna mukadar thi tu,
kyon soocha hum nay kah hamain woh mil jaye ga.

apnay hi banaye jaal main shikari khud hi qaid ho jaye ga,
koi yon bhi bhala apna mukadar likhwaye ga.

zindagi tapti dhoop kay tale yun hi chali ja rahi hai,
kiya aab koi pani pilanay wala nahi aye ga.... ***

being_lonely · July 23, 2007, 4:26am

Re: ~~My Collection~~

Bohat Fast Hain Zara Logoon Ko Yeh Do Posts To Parhne Daiti Phir Kuch Naya Post Kartinn ~ Thora Itminaan Thora Sabar Se Kaam Lein ~

ajnabi_ladki · July 23, 2007, 4:29am

Re: ~~My Collection~~

hehe acha jii kuch aur mil nahi raha na karne ko toh yahan he post kar rahi hoon sirf :D lolz

tahreem_saeed · July 23, 2007, 6:47am

Re: ~~My Collection~~

wah kafi achi collection hai

Prince_Ali · July 23, 2007, 3:12pm

Re: ~~My Collection~~

great collection! :k:

ajnabi_ladki · July 23, 2007, 5:20pm

Re: ~~My Collection~~

thanks :D

ajnabi_ladki · July 24, 2007, 5:49pm

Re: ~~My Collection~~

**Kabhi ussey bi meri yaad stati ho gi
Apni ankhon main merey khuaab sajati ho gi

Wo jo her waqt khiyaalon main bassi rehti hai
Kabhi to meri bi sochon main kho jaati ho gi

Wo jiski raah main palkein bichi rehti hain
Kabhi mujhey bi apney pass bulati ho gi

Labon per rehti hai wo her pal hansi bann ker
Tasawar se merey , wo bi muskuraati ho gi

Wo jo shaamil hai merey geet merey naghmon main
Kabhi tanhai main mujh ko gun gunaati ho gi

Jis ke liey mera dil beqaraar rahta hai
Merey liey apna chain bi guanti ho gi

Jiss se izhaar e wafa her pal karna chahoon
Kabhi iqraar to wo bi karna chahti ho gi

Jiske liey meri her raat hai karwat karwat
Kabhi to ussey bi neend na aati ho gi

Jiski ulfat ki shamah se hai mera dil roshan
Meri chahat ke wo bi deep jalati ho gi

Ghame -e- firaaq mera hi muqadar hai ya phir
Meri judaai ussey bi yunhi rullati ho gi
**

Amal · July 24, 2007, 6:13pm

Re: ~~My Collection~~

Bohat zabardast collection hey ajnabi_ladki :k: Thanx for sharing it with us

ajnabi_ladki · July 25, 2007, 4:18am

Re: ~~My Collection~~

thanks :)
**Yaadon Ko Apne Dil Se Mita Kyu Nahi Dete,
Jo Jaa Chuka Hai Us Ko Bhula Kyu Nahi Dete.

Mujrim Hoon Main Tera Mujhe Itna To Bata,
Khamosh Khade Hu Saza Kyon Nahi Dete.

Use Jis Ke Zakham Hai Inaayat Teri,
Gar Hai Tumhare Paas To Dawa Kyu Nahi Dete.

Kahin Ghar Nahi Baste Hai Jin Ki waja Se,
Un Adhjali Rasmon Ko Jala Kyu Nahi Dete.

Us Ne Tumhari Khaatir Kiya Kiya Nahi Kiya,
Tum Us Ki Wafaaon Ka Sila Kyu Nahi Dete.

Tumhein Mujh Se Mohabbat Hai Jaanta Hoon Main,
Ye Baat Apne Lab Se Bata Kyu Nahi Dete.

Anmol Khazana Hain Muskurahatein Teri,
Thoda Sa Ese Mujh Pe Luta Kyu Nahi Dete.

Wo Aag Jo Dil Mein Lagaai Thi Kabhi Tum Ne,
Wo Aag Aaj Khud Hee Bujha Kyu Nahi Dete.

Ek Arsa Howa Chain Se Soye Howe
Mera Chain, Meri Neend Lauta Kyu Nahi Dete**

Prince_Ali · July 25, 2007, 4:25am

Re: ~~My Collection~~

^wah ajnabi! kya ghazal hai, buhut khub. keep sharing :k:

being_lonely · July 25, 2007, 12:06pm

Re: ~~My Collection~~

umda umdA collection :k:

deep_ocean · July 25, 2007, 4:01pm

Re: ~~My Collection~~

nice collection :k:

~*~My Collection~*~

~~My Collection~~