My all time favourite ghazal--

Aaina_Dar · April 16, 2006, 9:25am

**Ab aye meray ehsaas-e-junoon–kia mujhey daina?–
Darya usay bakhsha hai toh sehra mujhey daina–

Tum apna makaan jab karo taqseem toh yaaron-!
Girti hui deewar ka saaya mujhey daina–

Jab waqt ki murjhaai hui shaakh sambhaalo
Us shaakh say toota hua lamha mujhey daina

Tum mera badan odh kay phirtay raho-LEKIN
Mumkin ho toh ek din mera chehra mujhey daina

****Choo jayee hawa jis say toh khushboo teri ayee
Jaatey huay ek zakhm toh aisa mujhey daina

Ek dard ka mela hai–laga hai dil-o-jaan mein
Ek rooh ki awaaz keh rasta mujhey daina

Ek taaza ghazal azn-e-sukhan maang rahi hai
Tum apna mehekta hua lehja mujhey daina

**Wo mujh say kahin badh kay musibat mein tha Mohsin
Reh reh kay magar uska dilaasa mujhey daina

Amal · April 16, 2006, 3:44pm

Re: My all time favourite ghazal–

Khoobsoorat tehreer hey…nice selection Aaina :k:…thanx for sharing it with us

Prince_Ali · April 16, 2006, 3:55pm

Re: My all time favourite ghazal–

:k: nice one

Zamil · April 16, 2006, 4:15pm