**Mere Khuwabon Ke Jharokon Ko Sajanay Wali!
Tere Khuwabon Mein Kaheen Mera Guzar Hai Keh Nahi.
Pooch Apni Nigahon Se , Bata De Mujh Ko…
Meri Raaton Keh Muqadar Mein Seher Hai Keh Nahi.
Chaar Din Ki Yea Rafaqat , Jo Rafaqat Bhi Nahi.
Umer Bhar Keh Lea Aazaar Hui Jaati Hai.
Zindagi Yun Tu Hamesha Se Pareshan Si Thi.
Aab Tu Har Saans Garan Baar Hui Jaati Hai.
Meri Ujri Hui Neendon Ke Shabistaano Mein,
Tu Kisi Khuwaab Ke Paikar Ki Tarah Aaee Hai.
Kabhi Apni Si , Kabhi Ghair Nazar Aaee Hai .
Kabhi Ikhlaas Ki Sorat , Kabhi Harjaee Hai-.
Pyaar Par Bas Tu Nahi Hai Mera , Lekin Phir Bhi…
Tu Bata De Keh Tujhe Pyaar Karon , Ya Na Karon?
Tu Ne Khud Apne Tabassum Se Jagaya Hai Jinhain,
Un Tamanaon Ka Izhaar Karon , Ya Na Karon?
Tere Haathon Ki Hararat , Teri Saanson Ki Mehak,
Sarsarati Hai Mere Zehan Ki Pinhaee Mein.
Dhoondti Rehti Hain Takhaiyul Ki Baahain Tujh Ko
Sard Raaton Ki Sulagti Hui Tanhaee Mein.
Tu Kisi Aur Ke Daman Ki Kalli Hai Lekin…
Meri Raatain Teri Khushboo Se Basi Rehti Hain.
Tu Kaheen Bhi Ho , Tere Phool Se Aariz Ki Qasam !!
Teri Palkhain , Meri Ankhon Peh Jhuki Rehti Hain.
Tera Altaaf O Karam Aik Haqeeqat Hai Magar…
Yea Haqeeqat Bhi , Haqeeqat Mein Fasana Hi Na Ho.
Meri Manoos Nighaon Ka Yea Muhtaat Paighaam.
Dil Ke Khoon Karne Ka Aik Aur Bahana Hi Na Ho.
Kon Janay Mere Imroz Ka Farda Kia Hai.
Qurbatain Barh Kar Pashemaan Bhi Ho Jati Hain.
Dil Ke Daman Se Lipat-ti Hui Rangeen Nazrain,
Dekhtay Dekhtay Anjaan Bhi Ho Jati Hain.
Meri Darmanda Jawani Ki Tamanaon Ke,
Muzmahil Khuwab Ki Taabeer Bata De Mujh Ko.
Tere Daman Mein Gulistaan Bhi Hain , Veeranay Bhi
Mera Haasil , Meri Taqdeer Bata De Mujh Ko.**
