*bilaakhir ye haseen manzar mita dena he parta hay
kise kay sar ko shanay say hata dena he parta hay
kise aashna ko jhothay sachay kuch havalo’n say
ta’aruf kay liay sub say mila dena he parta hay
jo sanson main mehktay heen jo aankhon main damaktay heen
achanak aik din un ko bhula dena he parta hay
dee’ay jo hum jalatay heen nihayat shoq say her shub
unheen khud apnee phonkon say bhujha dena he parta hay
koi jab poochta hay hum say kaisa hall hay sajid
humeen mohtat ho kar muskura dena he parta hay*